Lajmi i bërë publik nga portugezja “A Bola” se Cristiano Ronaldo i ka komunikuar presidentit Florentino Perez vendimin e pakthyeshëm  se do të largohet nga Real Madrid-i ka tronditur si asnjëherë tjetër merkaton e transferimeve.

Ndërsa kanë vërshuar nga të katër anët spekulimet mbi destinacionin e mundshëm të portugezit, “Los Blancos” duhet të marrin masat për të mos qenë të papërgatitur në rast se ylli i tyre më i shndritshëm vendos të largohet.

Por si do të luajë Real Madrid-i pa Cristiano Ronaldo-n?

-Advertisement-

Përpara një jave kjo pyetje as që imagjinohej, por tashmë po bëhet kryefjala e ditës për drejtuesit e kampionëve të Europës. Ndërkohë “Goal” ka sjellë një variant mbi mënyrën se si do të rreshtohen “Los Blancos” pa CR7, pa përforcime.

Baza e skuadrës do të mbetej e paprekur me Toni Kroos, Luka Modric dhe Casemiro për të ruajtur ekuilibrin e 11-es dhe mbështetur sulmin.

Karim Benzema duhet të ruajë pozicionin e tij pavarësisht kritikave për një stil loje disi indiferent. Megjithatë performancat e francezit mbeten të pashoqe.

Isco ka qenë i jashtëzakonshëm këtë sezon në kapacitetin për të mbështetur Benzema-n dhe Ronaldo-n, dhe mund të zëvendësohet numerikisht nga Gareth Bale.

Do të ishte shumë interesante të shihej një skuadër që të kishte në përbërjen e saj njëkohësisht Bale edhe Isco-n titullar, me forcën dhe shpejtësinë e uellsianit të kombinuara me teknikën dhe vizionin e andaluzianit.

Nën kontratë deri në 2021-in me Real Madrid-in për një pagë prej 50 milionë eurosh në vit, Ronaldo do ta bënte edhe më të pasur klubin në rast se largohet. Në këtë pikë kampionët e Spanjës do të shpenzonin fuqishëm. Përse jo për Kylian Mbappé? Real Madrid-i me përforcime.

Nëse boshti i skuadrës nuk do të ndryshonte, shpejtësia e Mbappé do t’i ofronte shumë mundësi taktike Real Madrid-it. Një ndryshim kokë më kokë me Cristiano Ronaldo-n mund të rezultojë efikas, por çfarë duhet bërë me Isco-n që është treguar dinjitoz duke fituar besimin e ofensivës madrilene këtë sezon?

Spanjolli mundet gjithashtu të luajë pas dy sulmuesve (një dyshe e mundshme franceze: Benzema dhe Mbappé), dhe opsionet do të jenë sërish të panumërta për Zidane.

Por për momentin largimi i mundshëm i Cristiano Ronaldo-s ngre më shumë pyetje se sa jep përgjigje.

Comodita po tërheq klientë seriozë në Panarin IMM, në Këln të Gjermanisë

Sponsoruar