Sport

Sebastian Vettel provoi gjithçka mundej për t’ia rrëmbyer “pole position”-in Lewis Hamiltonit në Montreal.

Autori: Gazeta inFokus 14:29 | 11 June 2017

Sebastian Vettel provoi gjithçka mundej për t’ia rrëmbyer “pole position”-in Lewis Hamiltonit në Montreal, por në fund nuk ia doli, e gjithsesi ka vetëm fjalë pozitive për britanikun. Gjermani i Ferrarit mbeti vetëm 3 të dhjetat pas pilotit të Mercedesit.

Megjithatë, në skuderinë Ferrari nuk ka arsye për ta humbur besimin, pasi nisja nga vija e parë është sërish një mundësi e mirë për garën.

“Kishim një hap të mirë dhe makina funksiononte shumë mirë, megjithatë nuk jam i kënaqur me provën time të tretë. Do të më pëlqente të përsërisja atë të dytën. Ndoshta bëra një gabim në kthesën e dytë, megjithatë ishte një ditë e mirë dhe në fund më pëlqeu ritmi që kishim”, tha Vettel pas vendit të dytë të siguruar përpara Çmimit të Madh të Kanadasë.

-Advertisement-

“E dija që duhej të përmirësohesha, edhe pse në xhiron e dytë isha vetëm 4 të mijëtat larg Hamiltonit. Megjithatë komplimente britanikut që ishte më i miri në këto kualifikuese. Zgjodhëm strategji të ndryshme në të trija përpjekjet, sepse mendova se do të më shërbente. Por ai gabim në kthesën e dytë më kushtoi dhe nuk ishte e mjaftueshme për të dalë përpara kundërshtarit tim”, shton më tej gjermani.

Subscribe në YouTube: GAZETA INFOKUSI
Etiketa:
Lansohet aplikacioni më i ri i lojalitetit që sjell t’mira pafund Kartela Plus!
-Advertisement-

Të tjera

Fokusi

sport