Lajme

ISIS merr përsipër përgjegjësinë e sulmit në Melburn

Autori: Gazeta inFokus 14:18 | 06 June 2017

Graham Ashton, kreu i policisë së Viktorias në Australi, njoftoi se ISIS ka marrë përsipër sulmin e kryer në qytetin Melburn.

Mediat e huaja njoftuan për një shpërthim, marrjen peng të një personi dhe vrasjen e një tjetri në qytetin Melbourne në Australisë. Dëshmitarët e kësaj ngjarje kanë thënë se kanë dëgjuar një shpërthim të fuqishëm dhe kanë parë marrjen peng të një personi si dhe për vrasjen e një tjetri.

Sipas policisë së Melbourne, kjo ngjarje ka ndodhur në ndërtesën Bi Sejnet në Brighton. Një person u qëllua për vdekje nga policia australiane, ndërsa tre oficerë janë plagosur gjatë një drame të pengmarrjes me armë në Melbourne.

-Advertisement-

Rrethimi dramatik përfundoi kur i dyshuari doli nga një apartament dhe hapi zjarr. Policia u përgjigj me zjarr dhe vrau pengmarrësin, për të cilin tha se akoma nuk është identifikuar.

Të paktën tre policë u plagosën gjithashtu në një shkëmbim zjarri me personin e armatosur. Gruaja e marrë peng u shpëtua në mënyrë të sigurt.

Subscribe në YouTube: GAZETA INFOKUSI