Lajme

Mustafa për PDK-AAK-Nisma: Ata shahen ditën e përqafohen natën

Autori: Gazeta inFokus 17:52 | 01 June 2017

LDK bashkë me partnerët e koalicionit, AKR, Alternativën dhe Lëvizjen për Drejtësi janë duke bërë hapjen e fushatës në Prishtinë.

I pari që ka folur aty është kryetari i LDK-së, Isa Mustafa, që ka thënë se të tjerët u munduan që t’i thyejnë, por që e thyen veten në fund, njofton Klan Kosova.

“U munduan të na thyejnë, por e thyen veten, nga frika se do t’i mundim ata u dorëzuan”, ka thënë Mustafa.

-Advertisement-

“Ne do të dalim fitues, koalicioni ynë. Fitore me Avdullah Hotin në krye”, ka shtuar ai.

“Ne të gjithë do të ndjekim rrugën rugoviane sepse rugoivizmi është këtu me ne dhe ju jeni ata”, ka theksuar Mustafa.

Ai ka thënë se koalicioni tjetër do të mundohet, por nuk ka shansin që të dalë fitues.

“Nuk e them për rivalitet politikë por jam i bindur që PDK në opozitë është e vetmja mënyrë për t’i siguruar frymëmarrje këtij shteti”.

“Jam i bindur që ata që poshtëruan para syve të botës parlamentin e Kosovës me gaz lotsjellës, ata që sulmuan institucionet e shtetit do ta paguajnë çmimin e sjelljes së tyre dhe jo ta marrin votën e qytetarëve të Republikës së Kosovës”.

Bashkimin e PDK-së, AAK-së, Nismës dhe të tjerëve Mustafa e ka quajtur koalicion të interesit.

“Ata shahen ditën e përqafohen natën”.

“PDK i ka bërë instrumente të saj të gjithë, por jo LDK-në”, ka thënë Mustafa.

Subscribe në YouTube: GAZETA INFOKUSI
Etiketa:
Vrasja e Lulzim Fejzullahut, vjen reagimi i parë nga ministrja Haxhiu
-Advertisement-

Të tjera

Fokusi

lajme