Lajme

Veseli i përgjigjet LDK’së: S’jemi koalicion i luftës, as i paraluftës por i së ardhmes

Autori: Gazeta inFokus 14:57 | 20 May 2017

Kryetari i PDK’së, Kadri Veseli u është përgjigjur udhëheqësve të LDK’së se koalicioni PDK-AAK-NISMA është koalicion i luftës dhe i natës.

Veseli ka thënë se koalicioni me Ramush Haradinaj është i së ardhmes perëndimore të Kosovës.

“Nuk jemi koalicion i luftës, as i paraluftës. Lufta dhe paralufta kanë qenë sakrifica të gjithë qytetarëve të Kosovës”, ka thënë Veseli, në Rahovec, ku ka folur bashkë me Ramush Haradinajn para disa biznesmenëve.

-Advertisement-

“Nuk do ta ndajmë popullin”, ka shtuar ai, shkruan Express.

Zyrtarët e LDK’së prej se kanë prishur koalicionin me PDK’në kanë nisur të akuzojnë Kadri Veselin se ka lidhur koalicion me AAK’në dhe NISMA’n për të rikthyer kohën e pasluftës.

Sidoqoftë, Veseli ka folur edhe për LDK’në dhe Vetëvendosjen. Ka përsëritur se partia e Avdullah Hotit s’ka guxim të marrë vendime, kurse, Partia e Albin Kurtit e shkatërron Kosovën.

“Janë dy alternativa që janë konkurente me mua dhe Ramushin. Është opsioni, i cili është i dëshmuar se nuk merr kurrë vendime. Nuk ka vizion dhe nuk guxon të marrë përgjegjësi”, ka shtuar ai.

“E kemi alternativën tjetër që nuk e njeh Kosovën. Që dëshiron ta rrënojë Kosovën. Që dëshiron të thotë se jemi shqiptar nga sot. Të fillojmë nga sot të ndërtojmë një komb të ri”, ka thënë Veseli.

Koalicioni PDK-AAK-NISMA është lidhur pas atij të LDK’së me AKR’në.

Në pesë palë zgjedhje, PDK e LDK, kanë qenë në bashkëqeverisje tri herë derisa AAK është në opozitë prej vitit 2007.

Zgjedhjet nacionale mbahen me 11 qershor derisa në zgjedhjet e fundit PDK ishte partia e parë, e pasuar nga LDK, VV, AAK e NISMA. AKR në zgjedhjet e fundit s’kishte arritur të hynte në Parlament.

Subscribe në YouTube: GAZETA INFOKUSI
Etiketa:
Black Friday ne Artmotion
-Advertisement-

Të tjera

Fokusi

lajme