Deputetëve u hiqen privilegjet
Autori: Gazeta inFokus 08:43 | 16 May 2017
Anëtarët e Kryesisë së Kuvendit kanë mbajtur dje mbledhje, me ç’rast kanë përmbyllur mandatin e deputetëve të legjislaturës së pestë, shkruan sot, gazeta Zeri.
Në këtë mbledhje u vendos që deputetëve t’u hiqen privilegjet që kishin, ku përfshiheshin heqja e shpenzimeve për mbushjet e telefonit, për udhëtimet zyrtare, etj.
Përderisa kryeparlamentari Kadri Veseli vlerësoi se në Kuvend ka pasur momente të vështira, përfaqësues të opozitës konsideruan se kjo legjislaturë ka qenë ajo e cila e ka kryer punën më së pari. Sipas tyre opozita ka pasur një numër tejet të vogël të numrave, megjithatë ka kryer punë të madhe.
Veseli pas mbledhjes së djeshme të Kryesisë ka shprehur dëshirën që sa më shumë gra dhe të rinj të bëhen pjesë e legjislaturës së ardhshme.
“Do të dëshiroja në të ardhmen të shihja në Parlament më shumë gra dhe të rinj, në të njëjtën kohë do të dëshiroja të shihja në Parlament deputetë që kanë më shumë përgjegjësi ndaj qytetarëve tanë”, është shprehur kryeparlamentari në largim.
Ndërkaq deputetja e “Vetëvendosjes”, Aida Dërguti, pas mbledhjes së kryesisë tha se kjo mbledhje ka përfunduar mandatin e deputetëve, duke ua hequr disa privilegje që kishin.
“Siç e dini në fund të mandatit bëhet gjithmonë një mbledhje e kryesisë, e cila përmbyll mandatin e deputetëve duke i hequr disa nga shpenzimet që normalisht i kanë deputetët, siç janë shpenzimet për mbushje të telefonit, anulimin e udhëtimeve zyrtare dhe veprime të tjera të ngjashme që kanë të bëjnë me shpenzimet e mëhershme”, ka deklaruar ajo.
Sipas Dërgutit, në këtë mbledhje nuk ka pasur diçka të veçantë.
Ajo më tej ka vlerësuar se gjatë kësaj legjislature ka pasur një opozitë me shumë pak numra, por shumë aktive.
“Për mendimin tim kemi pasur një Kuvend që ka kryer punën e vet më mirë se çdo legjislaturë tjetër, kemi pasur një opozitë me numra të paktë, por që ka pasur një rol në pengimin e marrjes së vendimeve të cilat janë të dëmshme për interesat e vendit. Pra, nuk ka qenë asnjëherë më e vogël opozita dhe më e dëmshme se në këtë legjislaturë”, ka potencuar ajo, duke shtuar se opozita ka penguar dy vendime të cilat, siç ajo është shprehur, janë në dëm të interesit të vendit.
Ndërkohë ka bërë të ditur se opozita nuk ka ndërruar qëndrim sa i përket Marrëveshjes së Demarkacionit.
“Përfaqësuesit e opozitës nuk kanë ndryshuar nga qëndrimet e tyre, kemi thënë që opozita nuk është kundër zgjidhjes së Demarkacionit, por aktualisht është kundër kësaj Marrëveshjeje që kemi, e cila është e padrejtë. Ajo që kemi insistuar ne është rishqyrtimi i Marrëveshjes së Demarkacionit, kthimi në pikën zero”, është shprehur Dërguti./ZERI/.
Të tjera
-
Kurti, QUINT-it: Dialogu dhe anëtarësimi në KiE nuk duhet të përzihen
Kryeministri i Kosovës, Albin Kurti, i shoqëruar nga zëvendëskryeministri i p...
-
Lavrov flet në telefon për Kosovën me Bërnabiqin, Daçiqin e Gjuriqin
Ministri i Punëve të Jashtme të Rusisë Sergej Lavrov ka biseduar në telefon ...
-
Menduh Thaçi për Taravarin: Po a e dini sa ka vjedhë ai?
Menduh Thaçi i PDSH-së tha se ish-kandidati për president Arben Taravari “ka ...
-
Kurti takoi sot shefin e OSBE-së në Kosovë dhe ambasadorin e Zvicrës
Kryeministri Albin Kurti, ka mirëpritur gjatë ditës së sotme shefin e OSBE-së...
-
Lladrovci për Luan Haradinajn: Luani i UÇK-së, shtigjet e lirisë i njihte cep më cep, si fletë të historisë, ai i dinte përmendësh
Kryetari i Komunës së Drenasit, Ramiz Lladrovci dhe bashkëluftëtar të tjerë k...
-
Maqedonci: Evropa duhet të jetë e gatshme ndaj kërcënimeve të Rusisë
Delegacioni i Kosovës i udhëhequr nga zëvendëskryeministrja dhe ministrja e P...
-
Ngriten çmimet e paketave turistike në Shqipëri, operatorët fajin ia lënë kursit të euros
Paketat turistike për këtë sezon veror pritet të jenë më të shtrenjta krahasu...
-
Zhduket 30 vjeçarja nga Ferizaj – familjarët kërkojnë ndihmë, Policia në kërkim të saj
Mëngjesin e së hënës është zhdukur një vajzë 30 vjeçare nga Ferizaj. Lajmi u ...
-
DASH: Escobar nuk është shkarkuar, emërohet në një pozitë tjetër
Ndihmës sekretari amerikan i Shtetit Gabriel Escobar nuk është shkarkuar nga ...
-
Ish-koloneli i policisë: Bandat serbe po e vazhdojnë strategjinë e tyre me sulmet ndaj PK-së dhe KFOR-it
Rrahman Sylejmani, ish-kolonel i Policisë së Kosovës, ka thënë se sulmet që p...
-
“Kemi bërë 4 arkivolë, nusen do e përcjellim me 3 fëmijët”, flet vëllai i Edison Arrazit: Nuk është ushtruar dhunë…
Flet Edison Arrazi, vëllai i të dyshuarit Erdgys Arrazi: Është një ngjarje sh...
-
Gërvalla: Paqja në Evropë mund të sigurohet vetëm duke ndalur të gjithë së bashku Rusinë dhe Serbinë
Duke diskutuar rreth temës “Siguria Rajonale – Sfidë për Evropën”, bashkë me ...