Sport

Klitschko flet pas humbjes ndaj Joshuas për USB-në e famshme, tregon sa a do guxojë blerësi t’i publikojë pamjet (Video)

Autori: Gazeta inFokus 18:09 | 30 April 2017

Wladimir Klitschko humbi nga Anthonyu Joshua dhe kështu britaniku fitoi tre titujt IBO, IBF dhe WBA në kategorinë e peshave të rënda.

Ukrainasi para meçit kishte befasuar të gjithë në konferencën për shtyp ku kishte nxjerr para gazetarëve një USB dhe kishte thënë se aty është parashikimi i tij, të cilin e kishte regjistruar një javë më herët.

Tani që 41-vjeçari humbi të gjithë duan të dinë se çfarë ka brenda saj dhe normalisht që Klitschko nuk ka shpëtuar të pyetet nga gazetarët pas humbjes.

-Advertisement-

Përgjigjja e tij ishte edhe më befasuese, pasi ai tha se është i gatshëm ta shes edhe pse ka humbur dhe blerësi ka të drejtë ta publikojë materialin e saj ku të dojë.

Klitschko dhe USB i tij… Foto: Sky Sports

“Çfarë për parashikimin? Nuk do të këtë ndryshime, parashikimin im është aty i regjistruar në USB dhe vetëm blerësi i rripit, pa marrë parasysh se a kam humbur a fituar mund ta shikojë”.

“Jam i bindur se dikush do të afrohet, dhe nëse ai person vendos ta shpërndajë me ne apo në rrjetet sociale, ai apo ajo janë të mirëseardhur. Por, parashikimi im është aty”, ka thënë Klitschko.

Vlen të theksohet se paratë e shitjes së USB-së do të shkojnë për ‘Fondacionin Klitschko’, ku më pas do të shpenzohen për qëllime bamirësie, ndërsa më poshtë keni videon ku ai shfaqet me USB para sfidës.