Lajme

Pacolli e lë të hapur mundësinë e kandidimit për kryetar të Prishtinës

Autori: Gazeta inFokus 20:13 | 26 April 2017

Kryetari i Aleancës Kosova e Re, Behgjet Pacolli, nuk e ka mohuar mundësinë që të jetë kandidat i kësaj partie për Prishtinën në zgjedhjet e ardhshme lokale.

“Po u them se të jesh kryetar i Prishtinës është goxha kënaqësi dhe përgjegjësi e madhe por edhe mundësi që të tregosh rezultate. Unë e di që në Prishtinë ka punë, e ku ka shumë punë, është natyra ime. Unë i grahi punës,” ka thënë ai.

“Tingëllon bukur për arsye se Prishtina ballafaqohet me probleme të mëdha. Në Prishtinë është kënaqësi të punosh se asnjëherë nuk do të kesh monotoni sepse ka gjithmonë punë,” ka thënë ai në një intervistë për RTV Dukagjinin.

-Advertisement-

Ai ka konfirmuar se kandidati i AKR-së për Prishtinën do të këtë profil të biznesmenit.

“Nga mesi i majit do t’i kemi të gjithë emrat e kandidatëve,” ka thënë ai, duke njoftuar se kandidati për Mitrovicë me shumë gjasë do të jetë Agim Bahtiri.

Duke folur për zgjedhjet e mundshme nacionale, Pacolli ka thënë se AKR është e mobilizuar dhe se ka pasur oferta edhe nga parti të ndryshme për marrëveshje parazgjedhore apo pas përfundimit të zgjedhjeve.

Subscribe në YouTube: GAZETA INFOKUSI
Etiketa:
Comodita Home dhe Prince Caffe: Sponsor të përgjithshëm të Sunny Hill Festival
-Advertisement-

Të tjera

Fokusi

lajme