Spera refuzon ndërhyrjen në proceset e Speciales, Behrami i kërkon llogaridhënie para Kuvendit
Autori: Gazeta inFokus
09:27 | 19 November 2026
Ombudspersoni i Dhomave të Specializuara të Kosovës, Pietro Spera, në një përgjigje drejtuar Komisionit Parlamentar për të Drejtat e Njeriut, Barazi Gjinore dhe Peticione, ka sqaruar kufijtë e mandatit të tij lidhur me mbrojtjen e të drejtave të njeriut në proceset që zhvillohen në Hagë ndaj ish-krerëve të UÇK-së.
Në letrën e datës 17 nëntor, të publikuar nga deputeti i PDK-së, Artan Behrami, Spera konfirmon se ka pranuar ftesën e Komisionit, për të diskutuar lidhur me mbrojtjen e të drejtave të njeriut në Dhomat e Specializuara, në raport me rastet e Hashim Thaçit, Jakup Krasniqit, Kadri Veselit, Rexhep Selimit, Salih Mustafës dhe Pjetër Shalës
Megjithatë, ai thekson se mandati i tij ligjor nuk e lejon ndërhyrjen në çështjet apo procedurat gjyqësore që zhvillohen para Dhomave të Specializuara, përveç rasteve kur bëhet fjalë për vonesa të paarsyeshme.
Sipas Behramit, pavarësia gjyqësore nuk nënkupton përjashtim nga llogaridhënia institucionale, teksa raportimi para Kuvendit nuk është ndërhyrje në proceset gjyqësore.
“Ironia është se vetë Pietro Spera, më 4 prill 2006, ishte pjesë e trupit gjykues të apelit në Bosnjë dhe Hercegovinë në rastin Maktouf. Më 18 korrik 2013, Gjykata Evropiane për të Drejtat e Njeriut në Strasburg konstatoi njëzëri shkeljen e nenit 7 të Konventës Evropiane. Pas këtij aktgjykimi u miratua rigjykimi i çështjes.
Pra, vetë përvoja gjyqësore e Sperës dëshmon se panelet gjyqësore nuk janë garantues të pagabueshëm të të drejtave të njeriut” shkroi Behrami.
Nga ana tjetër, Spera, duke iu referuar statusit procedural të rasteve të përmendura në ftesë, rikujton se në rastin ndaj Hashim Thaçit, Kadri Veselit, Rexhep Selimit dhe Jakup Krasniqit, afati për paraqitjen e njoftimeve për apelim para Panelit të Gjykatës së Apelit përfundon më 27 nëntor 2026.
Sipas Sperës, në rastin “Thaçi dhe të tjerët” dhe atë të Salih Mustafës dhe Pjetër Shalës, Gjykata Kushtetuese e Dhomave të Specializuara nuk ka konstatuar shkelje të Kushtetutës së Republikës së Kosovës apo të Konventës Evropiane për të Drejtat e Njeriut dhe Lirive Themelore.
Ai thekson se roli i Ombudspersonit është plotësues ndaj gjykatave dhe jo zëvendësues i tyre, duke pasur kompetenca për të parandaluar shkeljet e të drejtave të njeriut dhe për të promovuar mbrojtjen e tyre, përfshirë çështjet që lidhen me funksionimin administrativ të sistemit gjyqësor.

T� tjera
-
Kosova në mesin e vendeve më të sigurta në Evropë, Sveçla: Siguria e qytetarëve mbetet prioritet
Kosova është renditur ndër pesë vendet e para në Evropë dhe në vendin e 14-të...
-
Njoftim për kosovarët në Australi dhe Zelandë të Re, ja si mund t’i regjistrojnë fëmijët e tyre
Ambasada e Republikës së Kosovës në Kanberra ka njoftuar qytetarët kosovarë q...
-
Ministria e Infrastrukturës dhe policia koordinohen për sezonin dimëror, pajisjet dimërore të detyrueshme nga 15 nëntori
Ministria e Infrastrukturës dhe Transportit javën e kaluar ka mbajtur një tak...
-
Shqiptari nga Mitrovica shërben në Shërbimin Sekret të SHBA-së, nderohet për kontributin e tij
Besfort Ferati, me origjinë nga Mitrovica e Kosovës, është vlerësuar nga Asoc...
-
Jakup Krasniqi edhe sot në vizitë te familja, EULEX-i bllokon rrugën deri në daljen e tij nga selia
Jakup Krasniqi do të qëndrojë edhe sot në gjirin familjar, teksa vizita e tij...
-
Kurti takon Serwerin: Sfidë koha, që s’mjafton për këshillat dhe mendimet e vlefshme të profesorit
Kryeministri Albin Kurti është takuar me profesorin dhe ish-diplomatin amerik...
-
Ekstradohet nga Kosova në SHBA i dyshuari për krime kibernetike
Një shtetas i Kosovës është ekstraduar nga Kosova në Shtetet e Bashkuara të A...
-
Tri protesta sot në Prishtinë, në rrugë organizatat për mbrojtjen e fëmijëve, punëtorët e KEK-ut dhe studentët
Sot në Kosovë do të mbahen tri protesta, ku organizatat për mbrojtjen e fëmij...
-
Kosova ndër pesë vendet e para në Evropë për ligj dhe rend, sipas Gallup-it
Kosova renditet ndër pesë vendet me rezultatin më të lartë në Evropë në Indek...
-
Paralajmërime për erëra të forta në Kosovë, IHK dhe institucionet apelojnë për kujdes – këto janë rekomandimet
Instituti Hidrometeorologjik i Kosovës ka bërë të ditur se sot pritet të ketë...
-
Kuvendi i Kosovës mban dy seanca plenare, në rend dite edhe Ligji për Gjykatën Speciale
Kuvendi i Kosovës pritet të mbajë sot dy seanca plenare, në të cilat do të sh...
-
BE-ja nuk do të nisë bisedimet për marrëdhënie afatgjata me Britaninë
Britania e Madhe dhe Bashkimi Evropian rrezikojnë të hyjnë në një tjetër peri...

































