Melodia nacionaliste serbe në Bruksel, eurodeputeti belg ia përplas Marta Kos-it vrasjet dhe dëbimet e viteve 1998/99 në Kosovë
Autori: Gazeta inFokus
23:00 | 18 November 2026
Eurodeputeti belg, Michel De Maegd, ka kritikuar ashpër interpretimin e një kënge nacionaliste serbe, e cila paraqet Kosovën si pjesë të Serbisë, gjatë hapjes së Forumit të parë për Zgjerimin e Bashkimit Evropian në Bruksel.
Duke iu drejtuar komisionares evropiane për Zgjerim, Marta Kos, De Maegd ka kërkuar që Bashkimi Evropian të mos e relativizojë historinë e Kosovës dhe të shprehë një kërkimfalje për atë që ndodhi gjatë ceremonisë.
Eurodeputeti belg ka rikujtuar përvojën e tij në Kosovë gjatë vitit 1999, kur si reporter i luftës kishte kaluar tre muaj me popullin e Kosovës dhe kishte dëshmuar nga afër represionin e regjimit të atëhershëm të Slobodan Millosheviqit.
Ai ka përmendur mbi 14 mijë të vrarët, viktimat e pafajshme dhe dëbimin e rreth 850 mijë shqiptarëve nga shtëpitë e tyre gjatë luftës.
“Gjatë vitit 1999, si reporter lufte, kam kaluar tre muaj me popullin e Kosovës. Kam jetuar me ta dhe kam përjetuar represionin e egër të regjimit të Slobodan Millosheviqit. Lufta, mbi 14 mijë të vrarë në Kosovë. Viktima të pafajshme. Pastrimi etnik, me 850 mijë kosovarë të dëbuar nga shtëpitë e tyre në atë kohë. Kampet e refugjatëve, bombardimet dhe më pas, fatmirësisht, kthimi triumfues në Prishtinë dhe në atë që sot është një shtet i pavarur”, ka deklaruar De Maegd.
Ai ka thënë se interpretimi i këngës nacionaliste serbe, gjatë hapjes së forumit në Bruksel të dielën mbrëma, ishte një gabim i rëndë, veçanërisht për shkak të mesazhit territorial që ajo përcjell ndaj Kosovës.
De Maegd ka falënderuar komisionaren Kos për shprehjen e keqardhjes, por ka vënë në pikëpyetje mënyrën se si një këngë e tillë u lejua të interpretohej pa miratimin paraprak të shërbimeve evropiane.
“Përballë të kaluarës së dhimbshme të një populli të tërë, mendoj se një kërkimfalje do të ishte më se e mirëpritur përballë këtij rishkrimi të paturpshëm të historisë, i cili nga populli i Kosovës po përjetohet si një shuplakë e re”, ka theksuar eurodeputeti belg.
Në përgjigjen e saj, komisionarja evropiane për Zgjerim, Marta Kos, ka thënë se organizatorët i kishin dhënë udhëzimet grupit muzikor lidhur me atë që dëshironin të interpretohej, por nuk e kishin miratuar secilën këngë veç e veç.
Ajo ka shprehur keqardhje për incidentin, duke theksuar se Kosova meriton mbështetjen e plotë të Bashkimit Evropian.
“E kuptoj që kjo ka ndodhur dhe më vjen thellësisht keq. Kosova meriton të gjithë mbështetjen tonë dhe do ta ketë atë”, ka deklaruar Kos.
Komisionarja ka bërë të ditur gjithashtu se kishte qenë në kontakt me kryeministrin e Kosovës, të cilit i kishte shprehur keqardhjen për atë që ndodhi.
Ajo ka ritheksuar përkushtimin e Komisionit Evropian për ta mbështetur Kosovën në procesin e integrimit evropian.
“ A mund ta imagjinoni që t’i integrojmë të gjitha vendet e Ballkanit Perëndimor, por jo Kosovën? Kjo nuk mund të ndodhë, thjesht nuk mund të ndodhë”, ka përfunduar Marta Kos.
🇧🇪 MP Michel De Maegd to Marta Kos:
A Serbian nationalist song linked to territorial claims over Kosovo was sung on stage in the very heart of Europe.
An apology would be welcome in the face of this shameless rewriting of history, felt as another slap in the face by Kosovo. https://t.co/2r0L9wQVmm
— Admirim (@admirim) November 18, 2026

T� tjera
-
Delegacioni i Kuvendit të Kosovës merr pjesë në sesionin e APF-së në Bruksel
Delegacioni i Kuvendit të Kosovës po merr pjesë në punimet e Sesionit të 38-t...
-
Delegacioni i Kuvendit të Kosovës merr pjesë në sesionin e APF-së në Bruksel
Delegacioni i Kuvendit të Kosovës po merr pjesë në punimet e Sesionit të 38-t...
-
Investitorët japonezë shqyrtojnë mundësitë e zgjerimit të bashkëpunimit ekonomik me Kosovën
Zgjerimi i marrëdhënieve ekonomike dhe krijimi i mundësive të reja për invest...
-
Rikthehet furnizimi me energji në Prishtinë
KEDS ka njoftuar se është rikthyer furnizimi me energji në Prishtinë.Në njoft...
-
Haxhiu kërkon mbështetjen e Kroacisë për anëtarësimin e Kosovës në Këshillin e Evropës
Kryetarja e Kuvendit të Kosovës, Albulena Haxhiu, ka kërkuar mbështetjen e Kr...
-
Raporti i Gallupit për 2025-tën: Kosova, ndër vendet më të sigurta në Evropë
Kosova është renditur ndër vendet më të sigurta në Evropë sipas Indeksit Glob...
-
Erërat e forta, Inspektorati i Punës kërkon masa të shtuara për sigurinë e punëtorëve
Inspektorati Qendror i Punës u ka bërë thirrje të gjithë punëdhënësve që të n...
-
Rama: Ndryshim-ligji për Specialen nuk është i PDK’së, është për vlerat e luftës
Deputeti i Partisë Demokratike të Kosovës (PDK), Rrahman Rama, ka deklaruar s...
-
Limaj për rikthimin e Ligjit për Gjykatën Speciale: Jam SHOKU
Kryetari i Nismës Socialdemokrate, Fatmir Limaj, ka komentuar kërkesën për ri...
-
Rreth 2,500 konsumatorë të Prishtinës mbesin pa energji elektrike
KEDS ka njoftuar se si pasojë e një avarie në NS 110/20 kV Prishtina 6, rreth...
-
Rriten shqetësimet financiare në Zvicër, 38% e të punësuarve përballen me vështirësi ekonomike
Situata financiare e një pjese të konsiderueshme të punonjësve në Zvicër ësht...
-
Ky është personi që u vra sot në Suharekë në sytë e vajzës së mitur dhe gruas
Personi që humbi jetën nga të shtënat me armë zjarri mesditën e së mërkurës, ...



































