Tri protesta sot në Prishtinë, në rrugë organizatat për mbrojtjen e fëmijëve, punëtorët e KEK-ut dhe studentët
Autori: Gazeta inFokus
08:19 | 19 November 2026
Sot në Kosovë do të mbahen tri protesta, ku organizatat për mbrojtjen e fëmijëve, punëtorë dhe studentë do të shprehin pakënaqësitë dhe kërkesat e tyre lidhur me çështje të ndryshme.
Protesta e parë do të mbahet nga Koalicioni i OJQ-ve për Mbrojtjen e Fëmijëve (KOMF), i cili ka 35 organizata anëtare, dhe Rrjeti i Grave të Kosovës, me 108 organizata anëtare. Protesta do të nisë në orën 10:00, në Sheshin “Ibrahim Rugova” në Prishtinë, dhe do të zgjasë deri në orën 11:00.
Organizatat kërkojnë rritjen e buxhetit për shërbimet sociale, duke kundërshtuar ndarjet aktuale buxhetore, të cilat, sipas tyre, nuk reflektojnë nevojat reale të këtij sektori. Kërkesa e tyre u drejtohet 120 deputetëve të Kuvendit të Kosovës, me qëllim të sigurimit të financimit të mjaftueshëm dhe të qëndrueshëm për shërbimet sociale në kuadër të Buxhetit për vitin 2027.
Protesta e dytë është organizuar nga Sindikata e Re e Punëtorëve të Korporatës Energjetike të Kosovës (KEK), e cila do të mbahet në orën 11:00, para Drejtorisë së KEK-ut, në objektin Toskan, në Prishtinë.
Punëtorët kërkojnë rritjen dhe nivelizimin e pagave, si dhe pagesën e pagës së 13-të. Përmes protestës, ata thonë se po kërkojnë dinjitet, vlerësim dhe paga të drejta për punën dhe sakrificën e tyre.
Në thirrjen për protestë, sindikata ka ngritur edhe shqetësimin për sëmundjet profesionale me të cilat, sipas saj, përballen një pjesë e punëtorëve, për të cilat dyshohet se kanë lidhje me kushtet dhe vendet e punës.
Ndërkaq, protesta e tretë do të mbahet nga Parlamenti Studentor i Universitetit të Prishtinës, në orën 11:30, para Rektoratit të Universitetit të Prishtinës.
Studentët kanë bërë thirrje për pjesëmarrje në protestë pas një kërcënimi që, sipas Parlamentit Studentor, është pranuar përmes emailit nga ana e rektorit.
Ata e konsiderojnë të papranueshme çdo formë kërcënimi dhe presioni, duke vlerësuar se këto veprime cenojnë sigurinë, lirinë e shprehjes dhe mjedisin e lirë akademik.
Përmes protestës, studentët synojnë të shprehin kundërshtimin ndaj kërcënimeve dhe të kërkojnë që Universiteti i Prishtinës të mbetet hapësirë e sigurisë, lirisë dhe demokracisë.

T� tjera
-
Ekstradohet nga Kosova në SHBA i dyshuari për krime kibernetike
Një shtetas i Kosovës është ekstraduar nga Kosova në Shtetet e Bashkuara të A...
-
Kosova ndër pesë vendet e para në Evropë për ligj dhe rend, sipas Gallup-it
Kosova renditet ndër pesë vendet me rezultatin më të lartë në Evropë në Indek...
-
Paralajmërime për erëra të forta në Kosovë, IHK dhe institucionet apelojnë për kujdes – këto janë rekomandimet
Instituti Hidrometeorologjik i Kosovës ka bërë të ditur se sot pritet të ketë...
-
Kuvendi i Kosovës mban dy seanca plenare, në rend dite edhe Ligji për Gjykatën Speciale
Kuvendi i Kosovës pritet të mbajë sot dy seanca plenare, në të cilat do të sh...
-
BE-ja nuk do të nisë bisedimet për marrëdhënie afatgjata me Britaninë
Britania e Madhe dhe Bashkimi Evropian rrezikojnë të hyjnë në një tjetër peri...
-
Fehmi Hoti pret në takim ambasadorin britanik, diskutohet mbështetja për Policinë e Kosovës
U. D. Drejtori i Përgjithshëm i Policisë së Kosovës, kolonel Fehmi HOTI, me b...
-
Delegacioni i Kuvendit të Kosovës merr pjesë në sesionin e APF-së në Bruksel
Delegacioni i Kuvendit të Kosovës po merr pjesë në punimet e Sesionit të 38-t...
-
Delegacioni i Kuvendit të Kosovës merr pjesë në sesionin e APF-së në Bruksel
Delegacioni i Kuvendit të Kosovës po merr pjesë në punimet e Sesionit të 38-t...
-
Melodia nacionaliste serbe në Bruksel, eurodeputeti belg ia përplas Marta Kos-it vrasjet dhe dëbimet e viteve 1998/99 në Kosovë
Eurodeputeti belg, Michel De Maegd, ka kritikuar ashpër interpretimin e një k...
-
Investitorët japonezë shqyrtojnë mundësitë e zgjerimit të bashkëpunimit ekonomik me Kosovën
Zgjerimi i marrëdhënieve ekonomike dhe krijimi i mundësive të reja për invest...
-
Rikthehet furnizimi me energji në Prishtinë
KEDS ka njoftuar se është rikthyer furnizimi me energji në Prishtinë.Në njoft...
-
Haxhiu kërkon mbështetjen e Kroacisë për anëtarësimin e Kosovës në Këshillin e Evropës
Kryetarja e Kuvendit të Kosovës, Albulena Haxhiu, ka kërkuar mbështetjen e Kr...
































