Lajme

Mijëra fluturime të anuluara në SHBA, ndërprerjet prekin edhe aeroportet kryesore europiane

Autori: Gazeta inFokus 14:31 | 14 November 2026

Më shumë se 3,300 fluturime brenda SHBA-së, drejt ose nga SHBA-ja janë anuluar për ditën e sotme, sipas platformës së monitorimit të fluturimeve FlightAware, pasi një defekt në sistemin e kontrollit dje bëri që të gjitha aeroplanët në vend të qëndronin në tokë.

Deri në orën 06:15 sipas kohës lindore të SHBA-së, Delta Air Lines kishte anuluar 19 për qind të fluturimeve të saj, United Airlines 16 për qind, ndërsa American Airlines 14 për qind të fluturimeve të planifikuara për sot.

Më poshtë janë deklaratat e deritanishme të administratës Trump lidhur me shkakun e ndërprerjes.

-Advertisement-

Zhvillimet e fundit:

– Një ekspert i udhëtimeve i ka thënë CNN-it se kthimi në orarin normal të fluturimeve pas ndërprerjes së djeshme mund të marrë “ditë, e jo orë”.

– Ndërprerja e fluturimeve ka prekur edhe aeroportet kryesore europiane. Disa nisje nga Aeroporti Charles de Gaulle në Paris dhe Aeroporti i Frankfurtit në Gjermani figurojnë si të anuluara ose të vonuara gjatë ditës së sotme.

– Të paktën tri fluturime drejt SHBA-së janë shënuar si të anuluara në tabelat e nisjeve të Terminalit 3 në aeroportin Heathrow, aeroporti më i ngarkuar në Mbretërinë e Bashkuar. Mes tyre janë fluturimet drejt Dallasit, Los Anxhelosit dhe Çikagos.

– Disa ndeshje të futbollit amerikan universitar, të planifikuara për sot, janë prekur nga ndërprerja e fluturimeve. Këtu përfshihen edhe tri ndeshje ku marrin pjesë ekipe të renditura në mesin e 25 më të mirave. Disa ndeshje janë shtyrë për më vonë, ndërsa të tjerat janë zhvendosur në orare më të hershme.

 

Etiketa:
ÇMIME QË NUK BESOHEN! Comodita Home sjell oferta të jashtëzakonshme për Black Friday, me zbritje deri në 75%!
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy