Lajme

Shtohen fluturimet dhe udhëtarët në Aeroportin e Prishtinës gjatë shtatorit

Autori: Gazeta inFokus 11:47 | 14 November 2026

Aeroporti Ndërkombëtar i Prishtinës “Adem Jashari” ka regjistruar rritje të numrit të fluturimeve dhe udhëtarëve gjatë muajit shtator 2026, në krahasim me periudhën e njëjtë të vitit paraprak.

Sipas të dhënave të publikuara nga Agjencia e Statistikave të Kosovës (ASK), gjatë shtatorit janë realizuar gjithsej 2 mijë e 548 fluturime. Kjo paraqet një rritje prej 6.5 për qind krahasuar me shtatorin e vitit 2025, kur ishin regjistruar 2 mijë e 392 fluturime.

Trend pozitiv është vërejtur edhe sa i përket numrit të udhëtarëve që kanë shfrytëzuar shërbimet e aeroportit. Gjatë muajit shtator 2026 janë regjistruar gjithsej 393 mijë e 360 udhëtarë, apo 4.9 për qind më shumë se në të njëjtën periudhë të vitit të kaluar.

-Advertisement-

Prej tyre, 171 mijë e 168 udhëtarë kanë qenë në ardhje, ndërsa 222 mijë e 192 në shkuarje.

Të dhënat e ASK-së dëshmojnë për rritjen e qarkullimit të udhëtarëve dhe intensifikimin e transportit ajror në Kosovë gjatë këtij muaji.