Lajme

Ambasada britanike pas rastit të Arlindës: Askush që kërkon ndihmë nuk duhet të mbetet pa mbrojtje

Autori: Gazeta inFokus 19:59 | 26 October 2026

Ambasada e Britanisë së Madhe në Kosovë ka shprehur pikëllim të thellë pas rastit të Arlinda Zekajt, duke theksuar se asnjë grua që kërkon ndihmë nga institucionet nuk duhet të mbetet pa mbrojtje.

Në reagimin e saj, ambasada ka nënvizuar rëndësinë e sigurimit të mbështetjes së nevojshme për gratë që përballen me rrezikun e dhunës në familje.

“Askush që ndërmerr hapin e guximshëm për të kërkuar ndihmë nuk duhet të mbetet pa mbrojtje”, thuhet në reagimin e ambasadës.

-Advertisement-

Ambasada britanike ka theksuar se mbrojtja e grave në rrezik duhet të jetë prioritet, duke kërkuar veprime konkrete nga institucionet dhe koordinim efektiv ndërmjet mekanizmave përgjegjës.

Sipas reagimit, është e rëndësishme që të ketë llogaridhënie për veprimet dhe mosveprimet institucionale, si dhe qasje në drejtësi për viktimat e dhunës.

Në fund, Ambasada e Britanisë së Madhe ka shprehur ngushëllime për familjen dhe të afërmit e Arlinda Zekajt, duke shprehur shpresën që drejtësia të vihet në vend.

Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy