Rozë

Aktorja e njohhur amerikane arrestohet në New York gjatë protestës pranë OKB-së

Autori: Gazeta inFokus 11:06 | 25 September 2026

Aktorja amerikane Susan Sarandon është arrestuar në Nju Jork së bashku me protestues të tjerë gjatë një demonstrate pranë selisë së Kombeve të Bashkuara, pak para fjalimit të kryeministrit izraelit Benjamin Netanyahu në Asamblenë e Përgjithshme të OKB-së.

Protestuesit zhvilluan një protestë ulur në rrugë, duke mbajtur pankarta me slogane kundër mbështetjes ushtarake amerikane për Izraelin dhe duke kërkuar përfundimin e luftës në Gaza. Në pamjet e publikuara nga Agjencia France-Presse dhe TMZ, Sarandon shihet teksa policia i vendos prangat dhe e largon nga vendi i protestës.

Policia e Nju Jorkut deklaroi se turma ishte urdhëruar të largohej pasi protestuesit kishin bllokuar një kryqëzim. Personat që nuk iu bindën urdhrit u morën në paraburgim.

-Advertisement-

Deri tani nuk është bërë e ditur numri i saktë i personave të arrestuar gjatë protestës.

Arrestimi i Sarandon ndodhi në një kohë kur në Nju Jork janë zhvilluar protesta të shumta në lidhje me luftën në Gaza dhe politikën e SHBA-së ndaj Izraelit, në kuadër të aktiviteteve të Asamblesë së Përgjithshme të OKB-së.