Lajme

Thaçi: Moratinos na kërkoi ta shtyjmë shpalljen e Pavarësisë – u nderua me medalje nderi nga Beogradi

Autori: Gazeta inFokus 22:46 | 20 August 2026

Emri i Moratinos u rishfaq sërish në publik në korrik të vitit 2026. VOX Kosova, raportoi se ishte Rita Augestad Knudsen, bashkëshorja e kryeministrit në detyrë, Albin Kurti, ajo që në një simpozium në Greqi u shfaq në një takim e panel pranë Moratinos.

I DEKORUARI NGA SERBIA Thaçi: Moratinos na kërkoi ta shtyjmë shpalljen e Pavarësisë – u nderua me medalje nderi nga Beogradi

Miguel Angel Moratinos, ish-Ministër i Jashtëm i Spanjës, tri ditë para shpalljes së Pavarësisë, i kishte kërkuar ish-Presidentit të Kosovës, Hashim Thaçi, ta shtynte vendimin. Siç rrëfeu Thaçi në Rtv Dukagjini, Moratinos, për të realizuar dëshirën e tij, e kishte dërguar një kosovar t’ia dërgonte porosinë atij.

“Në Bruksel takova shumicën e ministrave të jashtëm të BE-së, vetëm ai i Spanjës, Miguel Moratinos, kishte dilemat e tij, jo rreth së drejtës për Pavarësi, por rreth kohës për shpalljen e saj. Në Spanjë po mbaheshin zgjedhje, ai kërkoi shtyrjen e datën e shpalljes. Nuk pranova. Sepse kjo do të hapte mundësinë që të shtyhej pavarësia në pafundësi. Kur ke parasysh tërësinë e shteteve të BE-së, gati çdo muaj ndodh që njëri prej shteteve të ketë zgjedhje nacionale, lokale apo me karakter evropian. Këtë temë e hapi edhe Solana si përfaqësues i politikës së jashtme të BE-së, por nuk insistoi. Tri ditë para 17 shkurtit, u lajmërua edhe një mesëngjer lokal në emër të ministrit Moratinos… me kërkesën e njëjtë “të shtyhet shpallja e pavarësisë…për hir të Moratinos”; bisedën e kalova me elegancë, kosovari nuk u lajmërua më vonë. Për “kontributin” e tij ministri spanjoll u nderua me medalje nderi nga Beogradi”, tha Thaçi për Rtv Dukagjini.

-Advertisement-

Emri i Moratinos u rishfaq sërish në publik në korrik të vitit 2026. VOX Kosova, raportoi se ishte Rita Augestad Knudsen, bashkëshorja e kryeministrit në detyrë, Albin Kurti, ajo që në një simpozium në Greqi u shfaq në një takim e panel pranë Moratinos.

Ish-Ministri i Jashtëm i Spanjës kishte vazhduar kundërshtitë e tij për Pavarësinë e Kosovës edhe pas shpalljes së saj.

Deklaronte, se ishte akt i njëanshëm dhe “shkëputje nga një shtet.”.

“Qeveria spanjolle nuk do ta njohë aktin unilateral të shpallur dje nga Asambleja e Kosovës dhe nuk do ta njohë atë sepse ne nuk konsiderojmë se ai respekton ligjshmërinë ndërkombëtare. Qeveria spanjolle gjithmonë ka mbrojtur respektimin e ligjshmërisë ndërkombëtaree mbrojti atë kur vendosi të tërhiqte trupat e veta nga Iraku, e mbron atë tani kur bëhet fjalë për një shkëputje (secesion) të një shteti”, thoshte ai.

Për kundërshtitë ndaj Kosovës, ai kishte marrë dekorata nga shteti serb.

Düsseldorf–Prishtinë, dy fluturime në ditë – rezervoni me PrishtinaTickets
-Advertisement-

T� tjera

Ky website përdor cookies. Duke vazhduar përdorimin, ju pranoni përdorimin e tyre.

Privacy policy