Lajme

Mesnata e gjeti Kuvendin pa zgjidhje, skadon afati kushtetues për konstituim

Autori: Gazeta inFokus 00:03 | 08 August 2026

Ora 23:59 shënoi përfundimin e afatit 30-ditor të përcaktuar nga Gjykata Kushtetuese për konstituimin e Kuvendit, pas certifikimit të rezultateve të zgjedhjeve parlamentare më 7 qershor.

Pavarësisht përpjekjeve të PDK-së, LDK-së dhe Aleancës për të mbajtur sonte një seancë të jashtëzakonshme, kjo kërkesë nuk u realizua.

Seanca ishte kërkuar të mbahej nga ora 22:30, me qëllim të përfundimit të procesit brenda afatit kushtetues, por deputetët nuk arritën të hyjnë në sallën e Kuvendit, pasi dyert rezultuan të mbyllura.

-Advertisement-

Tri partitë opozitare i kërkuan Lëvizjes Vetëvendosje, si partia më e madhe parlamentare, që të mundësonte mbajtjen e seancës sonte, në mënyrë që të respektohej afati i përcaktuar kushtetues.

Megjithatë, kjo kërkesë nuk u realizua.

Ndërkohë, Kuvendi i Kosovës ka njoftuar se vazhdimi i seancës konstituive është thirrur për nesër në ora 11:00.

Mbetet të shihet nëse partitë opozitare do të marrin pjesë në seancën e nesërme dhe cili do të jetë epilogu pas përfundimit të afatit kushtetues.

Teknologjia në kuzhinë nuk është vetëm çështje komoditeti, por edhe kohe: Njihuni me pllakën inovative me induksion Miele KM 8000!
-Advertisement-

T� tjera

Ky website përdor cookies. Duke vazhduar përdorimin, ju pranoni përdorimin e tyre.

Privacy policy