I akuzuari për vra*sjen e shokut për borxh, në rigjykim për herë të tretë
Autori: Gazeta inFokus
15:01 | 07 August 2026
Gjykata e Apelit e ka aprovuar ankesën e mbrojtjes së të akuzuarit për vrasje, Kreshnik Haliti, duke kthyer çështjen në rigjykim për herë të tretë.
Haliti akuzohet se kishte vrarë shokun e tij M.Z., në Pejë për një borxh prej 77 mijë euro.
Sipas shkresave të lëndës, Gjykata Themelore në Pejë, në rigjykim të dytë, më 1 dhjetor 2025 kishte shpallur aktgjykim me të cilin i akuzuari Kreshnik Haliti ishte shpallur fajtor dhe u dënua me dënim unik prej 19 vjet burgim.
Kundër këtij aktgjykimi, kishte ushtruar ankesë Prokuroria Themelore në Pejë, për shkak të pretendimeve për shkelje të Ligjit Penal dhe vendimit mbi sanksionin penal, si dhe atë për shpenzimet e procedurës, me kërkesë që Apeli të ndryshojë aktgjykimin e Themelores duke shpallur të akuzuarin fajtor për “Vrasje të rëndë” dhe t’i shqiptohet dënim më i ashpër.
Apo të dënohet me 20 vjet burgim sa i përket rrethanave rënduese.
Kurse, për shpenzimet e procedurës, Prokuroria ka propozuar të specifikohen ato saktë dhe në mënyrë të detajuar.
Edhe, përfaqësuesi me autorizim i palës së dëmtuar, avokati Gëzim Kollçaku, ka paraqitur ankesë për shkak të vendimit mbi dënimin, dhe i ka propozuar Apelit që aktgjykimi i Themelores të ndryshohet, dhe të akuzuarit t’i shqiptohet dënim më i ashpër.
Mbrojtësja e të akuzuarit Haliti, avokatja Nushe Kuka-Mekaj, kishte paraqitur ankesë për shkak të shkeljeve esenciale të dispozitave të procedurës penale, shkeljes së Ligjit Penal, vërtetimit të gabuar dhe jo të plotë të gjendjes faktike, si dhe vendimit për dënimin.
Kuka-Mekaj kishte kërkuar rikualifikimin e veprës në “Vrasje e kryer në gjendje të tronditjes së fortë mendore” apo t’i shqiptohet dënim më i butë.
Dhe se nëse Gjykata e Apelit nuk e ndryshon aktgjykimin, atëherë është propozuar hapja e shqyrtimit gjyqësor në Apel.
Ndërkaq, Prokuroria e Apelit përmes shkresës propozoi aprovimin e ankesës së Prokurorisë Themelore dhe palës së dëmtuar, si dhe refuzimin e ankesës së mbrojtjes.
Gjetjet e Apelit
Sipas vendimit të Apelit të përpiluar më 7 prill 2026, aktgjykimi i Themelores është përfshirë në shkelje esenciale të dispozitave të procedurës penale, për arsye se në masë të madhe mungojnë arsyet e qarta për faktet vendimtare.
Apeli theksoi se në rastin konkret, faktet vendimtare përshkruhen gjerësisht por nuk bëhet ndonjë analizë e mirëfilltë lidhur me dëshmitë e dëshmitarëve.
“Një vlerësim i tillë i përgjithësuar është i pamjaftueshëm, i papranueshëm”, thuhet në vendim të Apelit.
Shkalla e dytë theksoi se Themelorja nuk ka bërë as vlerësimin lidhur me provat kundërthënëse, duke përfshirë këtu edhe kundërthëniet në mes ekspertizave për gjendjen mendore të të akuzuarit.
Lidhur me pretendimet tjera ankimore, Apeli nuk u lëshua në vlerësimin e tyre pasi ka konstatuar se aktgjykimi i shkallës së parë është i përfshirë në shkelje esenciale të procedurës penale dhe si i tillë anulohet.
Sipas Apelit, në rigjykim, Themelorja duhet të veprojë në harmoni me vërejtjet e theksuara, t’i eliminojë shkeljet esenciale të dispozitave të procedurës penale, të hartojë aktgjykimin sipas kërkesave ligjore, të procedojë edhe një herë me të gjitha provat dhe sipas rrjedhës së procedurës- eventualisht të nxjerrë edhe prova të tjera që janë me rëndësi për vërtetimin e gjendjes faktike.
Apeli në vendim potencon se Themelorja duhet në rigjykim të konstatojë qartë dhe drejt se cila ishte gjendja e shëndetit mendor dhe psikik të të akuzuarit në momentin e ndërmarrjes së veprimeve, pasi ekzistojnë dy ekspertiza me konstatime të kundërta, dhe të urdhërojë një super-ekspertizë.
Vendimi i Apelit është marrë kolegji me përbërje të gjyqtarëve: Skender Çoçaj- kryetar i kolegjit, Mentor Hajra dhe Arben Hoti- anëtarë.
Në gjykimin e parë, Gjykata Themelore në Pejë, më 4 korrik 2018, e kishte gjetur fajtor të akuzuarin Kreshnik Haliti, ndaj të cilit kishte shqiptuar dënim unik prej 22 vite e gjashtë muaj burgim.
Mirëpo, Gjykata e Apelit kishte anuluar aktgjykimin e shkallës së parë, me arsyetimin se aktgjykimi ishte i përfshirë në shkelje të procedurës penale dhe vërtetimin jo të plotë të gjendjes faktike.
Kurse në rigjykim, më 31 tetor 2023, Gjykata Themelore në Pejë, ndaj të akuzuarit Haliti për veprën penale “Vrasje”, kishte shqiptuar dënim dënim unik prej 20 vjet e gjashtë muaj burgim.
Por, Apeli më 18 mars 2024 sërish e kishte kthyer rastin në rigjykim, duke aprovuar ankesën e Prokurorisë Themelore në Pejë dhe mbrojtësit të Halitit, avokatit Besnik Berisha.
Në rigjykimin e dytë, Themelorja me vendimin e 12 dhjetorit 2025, të akuzuarin e dënoi me dënim unik prej 19 vjet burgim.
Kreshnik Haliti akuzohej se më 6 mars 2017, në rrugën “Myrvete Maksutaj”, në Pejë, për shkak të një borxhi prej 77 mijë eurosh e kishte vrarë M.Z./BetimipërDrejtësi

T� tjera
-
Kurti kritikon Gjykatën Speciale: Është monoetnike dhe pa transparencë
Kryeministri i Kosovës, Albin Kurti, ka kritikuar Gjykatën Speciale, duke e c...
-
Haradinaj: Sponzorizuesit e ligjit për Gjykatën Speciale dhe tërheqësit e tij, s’po dinë as çfarë kanë bërë e as çfarë po bëjnë
Daut Haradinaj, ka reaguar lidhur me Gjykatën Speciale, duke kritikuar person...
-
Tahiri: Kosovën e ka mbuluar terri, qytetarët po hyjnë borxhe për t’i paguar faturat e rrymës
Besnik Tahiri, ka kërkuar ndryshimin e politikave energjetike gjatë seancës s...
-
“U dënua padrejtësisht”, Arbërie Nagavci: Pamjet e Jakup Krasniqit ishin të dhimbshme
Shefja e Grupit Parlamentar të LVV-së, Arbërie Nagavci, deklaroi se pamjet e ...
-
Tender 16 mijë e 800 euro me i qa drutë – Komuna e Gazmend Muhaxherit jep kontratën
Zakonisht, drutë për ngrohje nga institucionet blihen të përgatitura dhe të g...
-
VV-ja shton pika të reja në rend dite, në mesin e tyre edhe ajo për masat për importin e rrymës nga Serbia
Kuvendi i Kosovës ka votuar për ndryshimin e pikave të rendit të ditës, të pa...
-
Murati dorëzon kallëzim penal ndaj Përparim Ramës për 2.2 milionë euro
Hekuran Murati ka njoftuar se ka dorëzuar kallëzim penal në Prokurori ndaj kr...
-
Pas mbi dy orësh vonesë Kuvendi nis punimet, shtyhet seanca ku ishte paraparë ligji për Specialen
Kuvendi ka shtyrë ”deri në njoftim e ardhshëm” seancën ku ishte paraparë voti...
-
Seanca nis me dy orë vonesë, në rend dite Ligji për Dhomat e Specializuara
Pas rreth dy orësh vonesë, ka nisur seanca e Kuvendit të Kosovës, e cila isht...
-
Rektori i fton në takim, studentët: Kërko falje, na ke krahasuar me regjimin serb
Parlamenti Studentor ka nisur protestën para Rektoratit të Universitetit të P...
-
Vëllai i Jakup Krasniqit shkon sërish pranë shtëpisë së tij, por nuk arrin ta takojë
Vëllai i Jakup Krasniqit nuk ka arritur as sot të takohet me të, ndonëse ka s...
-
Mbi një orë vonesë në Kuvend, ende nuk nis vazhdimi i seancës së së premtes
Edhe pse ishte paraparë të fillonte në orën 10:00, vazhdimi i seancës së Kuve...
































