Kadrijaj: Kurti i fton partitë politike për të diskutuar për zgjidhje, por në fakt po e imponon agjendën e vet dhe kushtet e veta
Autori: Gazeta inFokus
14:02 | 07 August 2026
Deputetja e Aleancës për Ardhmërinë e Kosovës (AAK), Time Kadrijaj, ka deklaruar se kryetari i Lëvizjes Vetëvendosje, Albin Kurti, po imponon agjendën e tij për arritjen e marrëveshjeve politike.
Kadrijaj, në një deklaratë për KosovaPress, tha se nëse sot nuk mbahet seanca konstituive e Kuvendit të Kosovës, do të ketë pasoja juridike, pasi sipas saj janë duke u shkelur afatet e përcaktuara nga Gjykata Kushtetuese.
“Ka pasoja juridike sepse vendimi i fundit i Gjykatës Kushtetuese ka qenë i qartë, i shkruar e i dokumentuar dhe ka përcaktuar afatet kohore pas certifikimit të zgjedhjeve. Këta qëllimshëm po e shkelin Kushtetutën sepse janë shkelës. Ne e kemi parë dje, vet fakti që pas certifikimit të zgjedhjeve e kanë lënë në ditën e fundit mbajtjen e seancës ka qenë e pakuptueshme dhe ditët e fundit i kanë thirrur partitë politike për të biseduar për krijimin e institucioneve, ndërsa ka pasur një muaj kohë”, tha ajo.
Ajo tha se vendi mund të shkojë në zgjedhje të reja nëse vazhdohet me këtë ritëm, duke kërkuar nga Kurti që të “lëshojë pe”.
“Në qoftë se vazhdon me këtë ritëm e cikël nga ajo çka po shihet, ky po i fton partitë politike për të diskutuar për zgjidhje, në fakt po e imponon agjendën e vet dhe kushtet e veta. Në momentin që dëshiron të bëjë zgjedhje, duhet të lëshosh pe, jo t’i kesh të gjitha. E kam parë një deklaratë të kryetarit të PDK-së, nuk kam çka të takohem dhe duke e parë mosseriozitetin e tij nuk ka pranuar të shkojë më në takim. I vetmi që ka ngulur këmbë që mund të bashkëpunojë është LDK-ja, të cilët ende po negociojnë”, tha Kadrijaj.
Më tej, deputetja e AAK-së tha se një figurë si Ramush Haradinaj në postin e presidentit do t’i bënte nder shtetit të Kosovës.
“Një figurë si e Haradinajt i bën nder shtetit dhe vendit. E ka një të kaluar historike që nuk e ka asnjë nga personazhet në Kosovë, duke qenë dy herë kryeministër i Kosovës, duke ditur se çfarë raporte ka me aleatët tanë. I kishte bërë nder vendit, nuk e kemi propozuar as kërkuar”, tha ajo.
Deri më tani nuk ka njoftim nga Kuvendi nëse këtë të premte do të ketë vazhdim të seancës konstituive të legjislaturës së 11-të. E njëjta u ndërpre dje pasi që kryetari i Lëvizjes Vetëvendosje, Albin Kurti, kërkoi kohë shtesë për diskutime me përfaqësues të partive, me synimin për të arritur marrëveshje për çështjen e presidentit.
Gjithë kjo derisa mesnata konsiderohet si afati i fundit kushtetues për konstituimin e Kuvendit.

T� tjera
-
Ish-asistentja e deputetes së VV-së, Shqipe Metaj-Isufi, punësohet në Ministrinë e Punëve të Brendshme
Albana Bucaliu, ish-asistente e deputetes së legjislaturave të mëparshme së L...
-
Kurti kritikon Gjykatën Speciale: Është monoetnike dhe pa transparencë
Kryeministri i Kosovës, Albin Kurti, ka kritikuar Gjykatën Speciale, duke e c...
-
Haradinaj: Sponzorizuesit e ligjit për Gjykatën Speciale dhe tërheqësit e tij, s’po dinë as çfarë kanë bërë e as çfarë po bëjnë
Daut Haradinaj, ka reaguar lidhur me Gjykatën Speciale, duke kritikuar person...
-
Tahiri: Kosovën e ka mbuluar terri, qytetarët po hyjnë borxhe për t’i paguar faturat e rrymës
Besnik Tahiri, ka kërkuar ndryshimin e politikave energjetike gjatë seancës s...
-
“U dënua padrejtësisht”, Arbërie Nagavci: Pamjet e Jakup Krasniqit ishin të dhimbshme
Shefja e Grupit Parlamentar të LVV-së, Arbërie Nagavci, deklaroi se pamjet e ...
-
Tender 16 mijë e 800 euro me i qa drutë – Komuna e Gazmend Muhaxherit jep kontratën
Zakonisht, drutë për ngrohje nga institucionet blihen të përgatitura dhe të g...
-
VV-ja shton pika të reja në rend dite, në mesin e tyre edhe ajo për masat për importin e rrymës nga Serbia
Kuvendi i Kosovës ka votuar për ndryshimin e pikave të rendit të ditës, të pa...
-
Murati dorëzon kallëzim penal ndaj Përparim Ramës për 2.2 milionë euro
Hekuran Murati ka njoftuar se ka dorëzuar kallëzim penal në Prokurori ndaj kr...
-
Pas mbi dy orësh vonesë Kuvendi nis punimet, shtyhet seanca ku ishte paraparë ligji për Specialen
Kuvendi ka shtyrë ”deri në njoftim e ardhshëm” seancën ku ishte paraparë voti...
-
Seanca nis me dy orë vonesë, në rend dite Ligji për Dhomat e Specializuara
Pas rreth dy orësh vonesë, ka nisur seanca e Kuvendit të Kosovës, e cila isht...
-
Rektori i fton në takim, studentët: Kërko falje, na ke krahasuar me regjimin serb
Parlamenti Studentor ka nisur protestën para Rektoratit të Universitetit të P...
-
Vëllai i Jakup Krasniqit shkon sërish pranë shtëpisë së tij, por nuk arrin ta takojë
Vëllai i Jakup Krasniqit nuk ka arritur as sot të takohet me të, ndonëse ka s...

































