Lajme

Nagavci: Duhet marrëveshje për Presidentin, zgjedhjet e reja nuk janë zgjidhje

Autori: Gazeta inFokus 19:09 | 06 August 2026

Deputetja e zgjedhur e Lëvizjes Vetëvendosje, Arbërie Nagavci, ka bërë thirrje për arritjen e një marrëveshjeje politike për zgjedhjen e Presidentit ose Presidentes së Republikës, duke theksuar se dërgimi i vendit në zgjedhje të reja nuk është zgjidhje.

Përmes një postimi, Nagavci tha se zgjedhja e kreut të shtetit është përgjegjësi kushtetuese dhe politike e të gjithë deputetëve të Kuvendit të Kosovës, duke shtuar se qytetarët presin përgjegjësi dhe jo bllokada institucionale.

Ajo theksoi se është koha që, pavarësisht dallimeve politike, të arrihet një dakordim i gjerë për një figurë konsensuale në krye të shtetit.

-Advertisement-

“Është koha që, përtej dallimeve politike, të arrihet një dakordim i gjerë për Presidentin ose Presidenten e Republikës, një figurë konsensuale, shprehje e unitetit të popullit, me integritet, vlera dhe kontribute të dëshmuara për shtetin dhe shoqërinë”, ka shkruar Nagavci.

Sipas saj, kërkesa për kohë shtesë është bërë për t’u dhënë mundësi bisedimeve që të prodhojnë një marrëveshje politike në interes të Republikës dhe qytetarëve.

Nagavci rikujtoi se, siç ka deklaruar edhe kryeministri Albin Kurti, marrëveshjet kërkojnë mirëkuptim, koncesione dhe kompromis, duke theksuar se Lëvizja Vetëvendosje tashmë ka bërë lëshimin e saj duke tërhequr kandidaturën e Glauk Konjufcës për president.

Teknologjia në kuzhinë nuk është vetëm çështje komoditeti, por edhe kohe: Njihuni me pllakën inovative me induksion Miele KM 8000!
-Advertisement-

T� tjera

Ky website përdor cookies. Duke vazhduar përdorimin, ju pranoni përdorimin e tyre.

Privacy policy