Lajme

Një stuhi me fuqi uragani goditi Shkupin pasditen e sotme

Autori: Gazeta inFokus 19:54 | 21 July 2026

Një stuhi me fuqi uragani goditi pasditen e sotme Shkupin la pas vetes dëme të mëdha materiale duke shkulur kulme shtëpish, semaforë, e shumë vetura të mbetura nën pemët e rrëzuara.

Në afërsi të Qendrës tregtare Mavrovasja për shkak të shkëndijës nga telat e shkëputur një hapësirë afër shtëpive u përfshi nga flakët por u shua falë reshjeve të shiut.

Çati të shkëputura fluturuan nëpër qytet, duke shkaktuar rrezik të madh. Dëmi është i madh. Stuhisë së fuqishme nuk i shpëtoi as çatia e ambulancës në Bit Pzar

-Advertisement-

Në një lagje të Çairit pema e shkulur nga erërat e fuqishme bllokoi edhe një veturë të policisë

Një qytetar që takuam rrugëve të Çairit shprehu indinjatën e tij për shkak se përkundër disa minutave tentim për të denoncuar dëmet në numrin 112 të Qendrës për Menaxhim me Kriza, askush nuk i është përgjigjur

Pos Shkupit situatë e ngjashme me stuhi të fuqishme u regjistrua edhe në qytetin e Kumanovës duke shkaktuar dëme të shumta, me shumë pemë të rrëzuara dhe çati të shkulura

Edhe në Tetovë në disa vende stuhia ka shkaktuar dëme materiale. Për disa minuta rruga e Ilindenit ka qenë e bllokuar ndërsa zjarrfikësit kanë dalë në teren për të larguar objektet e rrëzuara nga era.

 

Teknologjia në kuzhinë nuk është vetëm çështje komoditeti, por edhe kohe: Njihuni me pllakën inovative me induksion Miele KM 8000!
-Advertisement-

T� tjera

Ky website përdor cookies. Duke vazhduar përdorimin, ju pranoni përdorimin e tyre.

Privacy policy