Sport

Formacioni i mundshëm i Shqipërisë ndaj Polonisë sonte

Autori: Gazeta inFokus 13:25 | 26 March 2026

Në 3 vite në krye të Shqipërisë, Sylvinho ka lëvizur pak ose aspak në lidhje me formacionin, i ka besuar gjithnjë një grupi të caktuar në momente të caktuara.

Ndaj Polonisë, plani i tij pësoi një ndryshim, kjo pasi Rey Manaj, sulmuesi i tij i preferuar u dëmtua vetëm 2 javë përpara publikimit të listës.

Mungesa e tij në majën e sulmit dhe forma jo e mirë fizike e disa lojtarëve ka bërë që Sylvinho të përziejë kartat, të paktën kur bëhet fjalë për fazën ofensive.

-Advertisement-

Në Varshavë, nga minuta e parë, tredhëmbëshi i tij sulmues pritet të jetë Arbër Hoxha, Nedim Bajrami dhe Myrto Uzuni.

Ky është i njëjti sulm ashtu si ndaj Anglisë në “Air Albania”, një ndeshje ku ekipi në fazën sulmuese u shpreh shumë mirë edhe pse nuk arritën të gjenin golin historik ndaj “Tre Luanëve”.

Muçi dhe Mehmeti, dy lojtarët e shumë përfolur dhe elementet më në formë që ka aktualisht ekipi përfaqësues pritet të aktivizohen gjatë ndeshjes, në varësi se si do të shkojë ky takim.

Nuk pritet të këtë ndryshime pjesa e mbetur e formacionit, ku Asllani-Shehu dhe Qazim Laçi do të jenë “diga” përpara mbrojtjes dhe lidhja me sulmin, shkruan Balkanweb.

Nuk preket as mbrojtja, një repart që thuajse nuk ka ndryshuar kurrë, vetëm në ato raste kur trajneri ka qenë i kushtëzuar nga dëmtimet.

Gjimshiti-Ajeti dyshja e qendrës i mbështetur nga Mitaj në të majtë dhe Hysaj në të djathtë.

Në formë fantastike vjen në këtë sfidë portieri Thomas Strakosha, i cili pritet të jetë një garanci e vërtetë mes shtyllave.

Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

sport

Ky website përdor cookies. Duke vazhduar përdorimin, ju pranoni përdorimin e tyre.

Privacy policy