Lajme

Tahiri: VV do të jetë humbësi më i madh i këtyre zgjedhjeve

Autori: Gazeta inFokus 10:38 | 23 Qershor 2025

Deputeti i PDK-së, Abelard Tahiri, ka deklaruar se Lëvizja Vetëvendosje pritet të jetë humbësi më i madh i zgjedhjeve të fundit, duke e cilësuar këtë subjekt politik si përgjegjës për bllokimin e procesit të formimit të institucioneve.

Para mediave, Tahiri tha se Vetëvendosje nuk ka partnerë për formimin e qeverisë dhe se, sipas matjeve të fundit, kjo parti ka shënuar rënie të theksuar në mbështetje, shkruan Gazeta Infokus.

“Deputetët kanë përgjegjësi ligjore të marrin pjesë në seancë dhe t’i japin drejtim formimit të institucioneve të vendit. Nuk jemi të bllokuar nga partitë e tjera, por nga partia e parë. Vetëm VV po e mban peng këtë situatë. Ne kemi hapur rrugë, por ata duhet të veprojnë,” tha Tahiri.

-Advertisement-

Sipas tij, Vetëvendosje po përballet me izolim politik dhe mungesë të aleatëve, çka e bën, siç tha ai, humbësin kryesor të kësaj gare zgjedhore.