Lajme

Limaj para nisjes së seancës flet për “marrëveshjen xhentelmene” me Kurtin

Autori: Gazeta inFokus 11:13 | 29 Maj 2025

Kryetari i Nismës Socialdemokrate, Fatmir Limaj, ka folur para fillimit të seancës së Kuvendit lidhur me mundësinë e kandidimit të tij për postin e kryetarit të Kuvendit të Kosovës.

Limaj deklaroi se deri më tani nuk ka marrë ndonjë ftesë zyrtare, por shtoi se ka zhvilluar një takim me Glauk Konjufcën, nënkryetarin aktual të Kuvendit, para dy ditësh. Ai tha se kanë pasur një marrëveshje verbale, të cilën e përshkroi si xhentelmene.

“Shpresoj që të ndryshojë diçka… nuk kam pasur ndonjë ftesë. Jam takuar me Glauk Konjufcën para dy ditëve, ai është edhe nënkryetar i Kuvendit dhe është normale të bisedojmë. Kemi pasur një marrëveshje xhentelmene verbale, pa nënshkrim. Me rëndësi është që ka alternativa, dhe Nisma është e gatshme ta zbatojë këtë marrëveshje xhentelmene,” tha Limaj.

-Advertisement-

Ai shtoi se aktualisht janë duke u diskutuar disa ide dhe mundësi që, sipas tij, mund të shfrytëzohen, por mbetet të shihet nëse do të konkretizohen.

“Me rëndësi është që tash janë disa ide, disa mundësi që mundemi me i shfrytëzu. Se a do t’i shfrytëzojnë, nuk e di,” përfundoi Limaj.

Kujtojmë se zgjedhja e kryetarit të Kuvendit është një prej pikave kyçe në konstituimin e institucioneve pas zgjedhjeve, dhe mbetet të shihet se cilat do të jenë zhvillimet e sotme në Kuvend.