Rozë

Xheneta reagon ndaj kritikave pas videos ironizuese me Brikendën: Qenkni ‘prekë’, moralistë, shumë prej jush edhe të ashtuquajtur ‘VIPa’

Autori: Gazeta inFokus 09:49 | 21 April 2025

Pas publikimit të një videoje ku shihet së bashku me Brikendën duke bërë ironi mbi marrëdhënien mes Gjestit dhe Eglit, Xheneta ka reaguar ashpër ndaj kritikave që ka marrë në rrjetet sociale, sidomos nga ndjekës të saj të cilët ajo i quan “moralistë leshi”.

Në një postim të gjatë në Instagram, ajo i është drejtuar atyre që sipas saj kanë reaguar me standarde të dyfishta, duke rikujtuar momentet kur është ndjerë e lënë vetëm përballë sulmeve dhe ofendimeve publike që ka marrë gjatë eksperiencës së saj në spektakël.

Më poshtë është deklarata e plotë e Xhenetës:
Moralistë leshi, shumë prej jush edhe të ashtuquajtur ‘VIPa’,
Po e shoh që qenkni ‘prekë’ për një video krejt normale ku ironizoj për diçka që dihet e është thënë edhe prej vetë protagonistëve.
Ju paskam dhënë material me moralizu! Krejt e qartë!
Por, e kam veç një pyetje për ju:
Ku ishit ju kur jo në një rast, por disa herë, në mënyrën më të poshtër të mundshme u ofendova në moral e u preka në familje e vazhdoj të marr çdo ditë lloj lloj kërcënimesh e komente të ndryshme përpara miliona shqiptarëve? Ku ishit ju për të më mbrojtur, të paktën përmes reagimeve, një femër që po shënjestrohej padrejtësisht? Ku ishit ju të botës së mediave kur një kolege e juaja vë çmim për një femër tjetër LIVE në televizion kombëtar?
Deri kur me standarde të dyfishta? Deri kur?
Kur reagimet i keni me dallime, veç një gjë është mirë ta bëni – të heshtni!

-Advertisement-

Deklarata e saj ka ngjallur diskutime të mëdha në rrjet, ku një pjesë e ndjekësve e kanë përkrahur për sinqeritetin dhe guximin, ndërsa të tjerë e kanë kritikuar për mënyrën se si është shprehur.

Pritet të shihet nëse do të ketë ndonjë reagim të mëtejshëm nga personazhet e përmendur apo platformat ku ka ndodhur kjo polemikë./Telegrafi/