Rozë

Adelina Ismaili reagon pas rastit të Gjestit: E njoh mirë dh* unën, persekutimin, diskreditimin nga xhelozia e lakmia

Autori: Gazeta inFokus 20:07 | 13 April 2025

Ngjarja e rëndë e ndodhur mbrëmjen e kaluar në spektaklin “Big Brother VIP”, ku Jozefin Marku goditi me shuplakë reperin Gjesti pas eliminimit nga shtëpia, ka shkaktuar një valë të madhe reagimesh në rrjetet sociale dhe opinionin publik.

Akti i dhunës, i transmetuar para syve të publikut, ka tronditur ndjekësit e emisionit dhe ka ngjallur debat të gjerë mbi kufijtë e sjelljes brenda një formati televiziv.

Në mesin e reagimeve të shumta nga ndjekës, komentues e figura publike, ka spikatur edhe zëri i një prej ikonave të muzikës shqiptare, Adelina Ismaili.

-Advertisement-

Jozi I gjuan gjestit #bbvipal #bbvipal4 pic.twitter.com/fmmmhqcNW3

— albaniainsider (@albaniainsider) April 12, 2025

Këngëtarja e njohur ka ndarë një mesazh në InstaStory, ku shpreh hapur mbështetjen për Gjestin dhe ndan përvojën e saj personale lidhur me dhunën dhe persekutimin.

“E njoh mirë dhunën, persekutimin, diskreditimin nga xhelozia e lakmia. Gjesti, ti je fituesi i zemrave tona”, ka shkruar Adelina në postimin e saj, duke prekur shumë ndjekës me fjalët e saj të ndjera.

Reagimi i saj ka marrë mbështetje të madhe nga fansat, të cilët vlerësojnë guximin për të folur hapur dhe për të qëndruar pranë një personi që u përball me dhunë publike në kushte të papërshtatshme.

Shumë komentues në rrjete sociale e kanë cilësuar mesazhin e Adelinës si një “zë i arsyes” në një situatë ku dhuna nuk duhet të ketë vend. /Telegrafi/