Lajme

Albin Kurtin po e përkrah edhe kjo parti e pakicës në tentativë për formimin e qeverisë

Autori: Gazeta inFokus 11:44 | 03 Prill 2025

Kryeministri në detyrë, Albin Kurti, së bashku me zëvendëskryeministrin në detyrë, Besnik Bislimi, ka zhvilluar një takim me kryetarin dhe nënkryetarin e Partisë Demokratike Turke të Kosovës (KDTP), në kuadër të përpjekjeve për formimin e qeverisë së re.

Sipas njoftimit të qeverisë, gjatë këtij takimi, Kryetari i KDTP-së, Fikrim Damka, ka konfirmuar mbështetjen e partisë së tij për vazhdimin e bashkëpunimit me Kurtin, duke i dhënë dritën e gjelbër për pjesëmarrje në qeverinë e ardhshme.

Fikrim Damka njëherësh është edhe ministër i Zhvillimit Rajonal në qeverinë Kurti 2, shkruan Gazeta Infokus.

-Advertisement-

Njoftimi i plotë:

“Kryeministri i Republikës së Kosovës, Albin Kurti, i shoqëruar nga zëvendëskryeministri i parë, Besnik Bislimi, priti sot në takim ministrin e Zhvillimit Rajonal, Fikrim Damka, njëherësh Kryetar i Partisë Demokratike Turke të Kosovës (KDTP), bashkë me Kryetarin e Komunës së Mamushës, Abdülhadi Krasniç, që gjithashtu mban pozitën e nënkryetarit të KDTP-së.
Bashkë diskutuan për hapat përpara për formimin e institucioneve të legjislaturës së 9-të të dalë nga zgjedhjet e rregullta parlamentare të 9 shkurtit. Kryeministri Kurti falënderoi z. Damka për punën si ministër i kabinetit në këtë mandat të plotë të qeverisë dhe për bashkëpunimin e afërt si në qeveri ashtu edhe në kuvend. Të dyja palët shprehën vullnetin dhe gatishmërinë që ky bashkëpunim i frytshëm të vazhdojë edhe në legjislaturën në vijim.
Ky takim u mbajt në kuadër të konsultimeve me partitë politike të komuniteteve joshumicë për formimin e qeverisë së re pas certifikimit të rezultateve nga Komisioni Qendror i Zgjedhjeve. Përgjatë ditës kryeministri do të zhvillojë takime edhe me drejtues dhe përfaqësues tjerë të partive të komuniteteve joshumicë që kanë fituar mandat të përfaqësimit në kuvend.