Lajme

Shenoll Muharremi: “Këto mund të jenë minutat e fundit të Albin Kurtit si Kryeministër”

Autori: Gazeta inFokus 13:42 | 27 Mars 2025

Analisti Shenoll Muharremi ka reaguar pas vendimit të Komisionit Qendoror të Zgjedhjeve për certifikimin e rezultateve të zgjedhjeve të 9 shkurtit, duke theksuar se sipas ligjit, të gjithë anëtarët e qeverisë që janë zgjedhur deputetë duhet të japin dorëheqje – përfshirë edhe kryeministrin në detyrë, Albin Kurti.

“Këto mund të jenë orët dhe minutat e fundit të Albin Kurtit si Kryeministër i Qeverisë”, ka shkruar Muharremi në një postim në rrjete sociale.

Ai rikujton se Ligji për Qeverinë e obligon dorëheqjen para certifikimit:

-Advertisement-

“KQZ ka kërkuar që deputetët që janë zgjedhur të japin dorëheqje, ashtu siç e kërkon ligji për qeverinë. Me siguri këtë do ta bëjë Kurti, nuk ka opsion tjetër. A dëshiron me shkelë ligjin a?”

Muharremi thekson se kjo situatë nënkupton edhe zëvendësimin e Kurtit nga një person tjetër që nuk është deputet, shkruan Gazeta Infokus.

“Tash dikush tjetër duhet ta zëvendësojë, dikush që nuk është deputet.”

Ai paralajmëron se vendi po hyn në një periudhë të re pasigurie dhe kërkon formim të shpejtë të institucioneve:

“Pas këtij momenti, duhet urgjentisht të formohen institucionet dhe qeveria, sepse po futemi në një fazë edhe më të thellë të pasigurisë.”

Analisti përmendi edhe Zyrën e Rregullatorit për Energji (ZRRE), duke thënë se nuk duhet të ndërmarrë vendime me ndikim derisa të formohen institucionet e reja:

“ZRRE ndërkohë nuk duhet të marrë vendime me ndikim derisa të formohen institucionet e reja.”/Gazeta Infokus

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy