Xhevahir Geci, ish gjeneral në Forcat e Sigurisë së Kosovës (FSK) dhe kontribues i njohur në luftën për çlirimin e vendit, i ka hyrë garës për deputet në Kuvendin e Kosovës nga radhët e Partisë Demokratike të Kosovës (PDK) për zgjedhjet e 9 shkurtit.

Për të qenë më afër qytetarëve, Geci ka hapur një zyrë në Skenderaj, ku do të zhvillojë takime dhe diskutime me ta, duke dëgjuar shqetësimet dhe nevojat e komunitetit. Ai theksoi rëndësinë e përfshirjes së qytetarëve në proceset vendimmarrëse dhe shprehu përkushtimin e tij për të kontribuar në zhvillimin e rajonit.

Ai është zotuar të dëgjojë nga afër shqetësimet dhe nevojat e qytetarëve, duke e konsideruar këtë hap si një përkushtim ndaj mirëqenies dhe zhvillimit të rajonit. Në veçanti kjo zyrë do të shërbejë edhe për qytetarët nga diaspora.

Në zyrën e tij në Skenderaj, në të cilën tashmë ka filluar puna, Xhevahir Geci ka pritur gjithashtu disa mërgimtarë nga Gjermania, duke dëgjuar me vëmendje kërkesat dhe sfidat me të cilat përballet diaspora shqiptare, me fokus të veçantë në përmirësimin e kushteve për investime dhe lidhjen më të ngushtë me vendlindjen.

“Vendimi për të hyrë në politikë vjen nga dëshira ime për të shërbyer popullit të Kosovës në një formë tjetër. Besoj se me përvojën time në shërbimin ushtarak dhe angazhimin gjatë viteve të vështira, mund të jap kontribut të rëndësishëm në parlament,” ishte shprehur Geci gjatë hapjes së zyrës.

Geci ka theksuar rëndësinë e bashkëpunimit me qytetarët dhe shoqërinë civile për të ndërtuar politika që përmirësojnë jetën e përditshme të njerëzve.

Fushata e tij pritet të fokusohet në sigurinë kombëtare, mbështetjen për veteranët dhe zhvillimin ekonomik të zonave rurale.

Zgjedhjet e 9 shkurtit pritet të jenë mjaft konkurruese, dhe kandidatura e Gecit shton një emër me përvojë dhe kredibilitet në garën për një ulëse në Kuvendin e Kosovës.

Xhevahir Geci, ndër vite ka një kontribut të jashtëzakonshëm në fushën e sigurisë dhe mbrojtjes duke qenë ish gjeneral në Forcën e Sigurisë së Kosovës (FSK) dhe një nga themeluesit e Ushtrisë Çlirimtare të Kosovës (UÇK) e po ashtu edhe  ish-komandant i Gardës Kombëtare në Forcën e Sigurisë së Kosovës (FSK), në vitin 2025.

Kryetari i PDK-së, Memli Krasniqi, e kishtë mirëpritur aderimin e Gecit në parti, duke vlerësuar lart kontributin e tij gjatë dhe pas luftës.

“Jam i lumtur dhe krenar që Gjeneral Xhevahir Geci do të bashkëudhëtojë me ne për ta bërë Kosovën më të mirë. Mirë se vjen, Gjeneral,” ishte shprehur Krasniqi.

Geci, i njohur për guximin dhe vendosmërinë e tij, ka qenë aktiv në aksionet e para guerile kundër forcave serbe në vitet ’90, duke bashkëpunuar ngushtë me figura të shquara si Adem Jashari dhe Hashim Thaçi. Me përvojën e tij të gjatë ushtarake dhe angazhimin në çështjet kombëtare, ai synon të sjellë një perspektivë të re në Kuvendin e Kosovës, duke u fokusuar në çështje si siguria kombëtare, mbështetja për veteranët dhe zhvillimi ekonomik i zonave rurale.

Hapja e zyrës në Skenderaj është një hap drejt ndërtimit të një dialogu të hapur me qytetarët, duke i inkurajuar ata të shprehin mendimet dhe sugjerimet e tyre për përmirësimin e jetës në Kosovë.

Geci beson se përfshirja aktive e qytetarëve është thelbësore për ndërtimin e politikave efektive dhe të qëndrueshme./Gazeta Infokus

Sponsoruar