Lajme

Arrestohet i dyshuari, rrạhu gruan me të cilën po bashkëjetonte dhe e kạnosi me ạrmë

Autori: Gazeta inFokus 09:45 | 03 January 2025

Një person është arrestuar në Istog nën dyshimin se ka ushtruar dhunë fizike dhe ka kanosur me armë gruan me të cilën po bashkëjetonte.

Në raportin 24 orësh të Policisë, thuhet se dyshohet që edhe babai i të dyshuarit ka shtënë me armë zjarri në ajër, natën e ndërrimit të motmoteve

Sipas policisë se rasti ka ndodhur të enjten rreth orës 21:45 dhe është iniciuar si “Dhunë në familje” dhe “Përdorim i armës apo mjetit të rrezikshëm”.

-Advertisement-

“Është arrestuar i dyshuari mashkull kosovar, nën dyshimin se i njëjti ka ushtruar dhunë fizike dhe e ka kanosur me armë, viktimën femër kosovare me të cilën ishte duke bashkëjetuar prej disa ditësh. Po ashtu, dyshohet se prindi i të dyshuarit ka shtënë me të njëjtën armë zjarri (në ajër) në natën e ndërrimit të mot-moteve. Njësitet policore në vendin e ngjarjes kanë konfiskuar pistoletën e cila dyshohet se është përdorur. Nuk raportohet për lëndime, viktima me dëshirën e saj është kthyer tek familja e saj”, thuhet në njoftim.

Bëhet e ditur se me urdhër të prokurorit ndaj prindit të të dyshuarit është iniciuar rasti për përdorim të armës dhe pas intervistimit është liruar në procedurë të rregullt, ndërsa i dyshuari për dhunë në familje, pas intervistimit është dërguar në mbajtje.

Subscribe në YouTube: GAZETA INFOKUSI