Lajme

Parashikimi i motit për të hënën

Autori: Gazeta inFokus 23:43 | 22 December 2024

Për të hënën parashikohet të mbajë mot i vranët, ku pritet depërtimi i një cikloni të ri me origjinë nga veriperëndimi i kontinentit që në orët e mëngjesit.

Fillimisht, pritet të ketë reshje të dendura bore në disa pjesë të Rrafshit të Dukagjinit, sidomos në rajonin e Pejës, ndërsa gjatë ditës pritet të përzihen me ato të shiut.

Në zonat e tjera pritet të jenë kryesisht në formë të shiut, me mundësi për shqotë. Në mbrëmje reshjet pritet të pushojnë në pjesën dërrmuese të vendit.

-Advertisement-

Era do të fryjë drejtimesh të ndryshme por më dominues nga juglindja, e cila kohë pas kohe pritet të jetë mjaft e fuqishme, konkretisht në rajonin e Prishtinës, me shpejtësi prej 17-60 km/h.

Temperaturat do të pësojnë ulje, me minimale që do të lëvizin prej -3 deri në 1°C, ndërsa ato maksimale prej 2 deri në 5°C. /MeteoKosova/

Subscribe në YouTube: GAZETA INFOKUSI
Afati i fundit për regjistrime në programin MSc. Data Science & Analytics në UNI – Universum International College – Powered…
-Advertisement-

Të tjera

Fokusi

lajme