Lajme

Muhaxhiri: Refuzimi i Kurtit për intervistim nga Prokuroria do të dëshmonte hipokrizinë e tij

Autori: Gazeta inFokus 21:40 | 19 December 2024

Analisti politik Artan Muhaxhiri për FrontOnline, ka komentuar refuzimin e Kryeministrit Albin Kurti për t’u intervistuar nga Prokuroria Speciale lidhur me aferat e rezervave shtetërore duke thënë se se Kurti ka një obligim ligjor, moral dhe njerëzor për të respektuar thirrjen e Prokurorisë.

‘’Kryeministri Kurti e ka obligim ligjor, moral dhe njerëzor që ta respektoj këtë ftesë’’, tha ai.

Ai ka potencuar se nëse Kryeministri Kurti vazhdon të injorojë ftesën e Prokurorisë, do të krijojë një precedent të keq, duke ofenduar sistemin ligjor të Kosovës.

-Advertisement-

‘’Në të kundërtën do ta krijonte një precedent të keq, do të jepte një shembull të injorimit dhe ofendimit ligjor kosovar dhe realisht’’, shtoi Muhaxhiri.

Sipas Muhaxhirit, një veprim i tillë do të dërgonte një mesazh të keq për qytetarët e Kosovës, të cilëve u bën thirrje për respektimin e ligjit dhe rendit.

‘’Mendoj se do të i zhgënjente edhe qytetarët e Kosovës, të cilëve u bën thirrje ta respektojnë ligjin dhe rendin’’ shtoi ai

Ai ka shtuar se nëse Kurti nuk respekton këtë ftesë, do të dëshmohet hipokrizia e tij.

‘’Nëse Kurti nuk e bën këtë vetë, do ta dëshmonte hipokrizinë e tij’’ deklaroj Muhaxhiri

FrontOnline, ka dërguar pyetje edhe në drejtim të zëdhënëses së Prokurorisë Speciale të Kosovës, Liridona Kozmaqi, lidhur me këtë çështje, por deri në publikimin e këtij artikulli nuk kemi marrë përgjigjie.

Subscribe në YouTube: GAZETA INFOKUSI
BKT Kosova synon të rrisë ndërgjegjësimin lidhur me çrregullimet e spektrit të autizmit në Ditën Botërore të Ndërgjegjësimit për Autizmin
-Advertisement-

Të tjera

Fokusi

lajme