Lajme

Detaje nga atentati ndaj zyrtarit policor në Pejë, arrestohet i dyshuari e i konfiskohet ạrma dhe vetura

Autori: Gazeta inFokus 10:29 | 18 December 2024

Policia e Kosovës përmes raportit 24 orësh ka dhënë detaje të tjera lidhur me atentatin që ndodhi të martën në Pejë, ndaj një zyrtari policor, shkruan Gazeta Infokus.

Policia tutje ka bërë të ditur se rasti është cilësuar si “Vrasje e Rëndë në Tentativë” e ku viktima fillimisht është tentuar të goditet me veturë, dhe më pas nga vetura i dyshuari ka shtënë dy herë me pistoletë në drejtim të viktimës mirëpo nuk e ka qëlluar.

“Është raportuar se viktima mashkull kosovar fillimisht është tentuar të goditet me veturë nga i dyshuari mashkull kosovar, dhe më pas nga vetura i dyshuari ka shtënë dy herë me pistoletë në drejtim të viktimës mirëpo nuk e ka qëlluar. Pas kryerjes së veprës i dyshuari është larguar me veturë nga vendi i ngjarjes”, shkruhet në raportin 24 orësh të Policisë.

-Advertisement-

Ndryshe thuhet se në vendin e ngjarjes janë gjetur dhe sekuestruar dy gëzhoja, ku i dyshuari për këtë rast është arrestuar.

“Në vendin e ngjarjes janë gjetur dhe sekuestruar dy gëzhoja dhe lidhur me rastin i dyshuari është arrestuar dhe si dëshmi materiale i është konfiskuar arma dhe automjeti që dyshohet se janë përdorur në rast. Me vendim të prokurorit, i dyshuari është dërguar në mbajte”, shkruhet tutje në njoftim./Gazeta Infokus/