Lajme

Shënohet Dita Ndërkombëtare e Mbulimit Shëndetësor Universal me moton “Shëndeti: Përgjegjësi e Qeverisë”

Autori: Gazeta inFokus 16:38 | 12 December 2024

Ministria e Shëndetësisë, në bashkëpunim me Shoqatën e të Drejtave të Pacientëve në Kosovë (PRAK) dhe me mbështetjen e Projektit të Shërbimeve Shëndetësore të Integruara (IHS), organizoi sot një panel me rastin e shënimit të Ditës Ndërkombëtare të Mbulimit Shëndetësor Universal, me moton: “Shëndeti: Përgjegjësi e Qeverisë.”

Në këtë panel morën pjesë, zëvendësministrja e Shëndetësisë, Dafina Gexha Bunjaku, përfaqësuesi i Zyrës Zvicerane për Zhvillim dhe Bashkëpunim në Kosovë, Peter Sidler, drejtori ekzekutiv i PRAK, Agron Bytyqi, kryeshefja e Aleancës Ndërkombëtare të Organizatave të Pacientëve Daniela Mothci, udhëheqesi i projektit AQH, Nicu Fota, profesionistë shëndetësorë, si dhe përfaqësues të tjerë nga institucionet relevante.

Gexha-Bunjaku theksoi rëndësinë e mbulimit universal shëndetësor në përmirësimin e qasjes në kujdesin shëndetësor për të gjithë qytetarët e Kosovës. Po ashtu, ajo theksoi se Mbulimi Shëndetësor Universal është gurthemel i drejtësisë sociale dhe kërkoi që të angazhohen të gjithë për këtë qëllim fisnik që askush mos mbetet prapa për një të ardhme të shëndetshme.

-Advertisement-

Ndërkaq, sipas një njoftimi, Sidler tha se Zvicra mbetet një partner i besueshëm i Kosovës dhe mbështet përpjekjet e vendit për të forcuar sistemin shëndetësor. Gjithashtu ai shtoi se angazhimi i tyre ilustrohet nga projektet IHS dhe AQH që mbështesin institucionet shëndetësore të Kosovës për të ofruar kujdes gjithëpërfshirës, të integruar dhe të qasshëm, me fokus tek pacienti.

Nga ana tjetër Bytyqi përmendi se është viti i nëntë që shënohet Dita e MSHU-së, duke u nisur nga motoja, është përgjegjësi e secilit që të japim kontributin tonë, në mënyrë që ta plotësojmë sa më mirë kutinë e mbulimit universal shëndetësor.

Ndërsa, Mothci prezantoi “Rolin e organizatave në avancimin e MSHU-së”.

Subscribe në YouTube: GAZETA INFOKUSI
UNI-Universum International College rankohet me sukses në Times Higher Education Impact Rankings 2024
-Advertisement-

Të tjera

Fokusi

lajme