Agjencia për Barna dhe Pajisje Mjekësore e Serbisë kanë lëshuan një njoftim të rëndësishëm për të gjithë mjekët në Serbi. Ata në paralajmërimin e tyre urgjent kanë përmendur masa të rëndësishme për të minimizuar pasojat serioze të rrezikut të njohur të agranulocitozës gjatë përdorimit të barnave që përmbajnë metamizol.

E përveç në Serbi, edhe Agjencia Evropiane e Barnave (EMA) para një kohe ka filluar një rishikim të barnave që përmbajnë qetësuesin metamizole pas shqetësimeve se masat e vendosura për të minimizuar rrezikun e njohur të agranulocitozës mund të mos jenë mjaft efektive.

Sipas EMA, barnat që përmbajnë metamizol janë të autorizuara në një numër vendesh të BE-së për trajtimin e dhimbjeve dhe etheve të moderuara deri në të forta. Përdorimet e autorizuara ndryshojnë nga vendi në vend, duke filluar nga trajtimi i dhimbjes pas operacionit ose lëndimeve deri te trajtimi i dhimbjes dhe etheve të lidhura me kancerin.

Njoftimi nga EMA u bë në qershor të këtij viti, derisa në Serbi ky njoftim shko tek para pak ditësh.

Agjencia për Barna dhe Pajisje Mjekësore e Serbisë ka përmendur disa kompani farmaceutike të Serbisë që në barnat e tyre përmbajnë këtë substancë.

Ja deklarata e tyre e plotë:

Mbajtësit e licencave për barna që përmbajnë metamizol në Serbi: Alkaloid d.o.o. Beograd, Galenika a.d. dhe Hemofarm AD, në bashkëpunim me Agjencinë për Barna dhe Pajisje Mjekësore të Serbisë (ALIMS), ju njoftojnë për sa vijon:

Pacientët në terapi me metamizol duhet të informohen për:

simptoma të hershme që sugjerojnë agranulocitozë, duke përfshirë ethe, të dridhura, dhimbje të fytit dhe ndryshime të dhimbshme të mukozës, veçanërisht në gojë, hundë dhe fyt, ose në rajonin gjenital ose anal;

nevoja për të qenë vigjilent ndaj këtyre simptomave, duke qenë se ato mund të shfaqen në çdo kohë gjatë trajtimit, madje edhe menjëherë pas ndërprerjes së terapisë;

për nevojën për të ndërprerë terapinë dhe për të kërkuar menjëherë ndihmë mjekësore nëse shfaqen këto simptoma.

Nëse metamizoli administrohet për shkak të temperaturës së ngritur të trupit, disa nga simptomat e agranulocitozës mund të kalojnë pa u vënë re. Përveç kësaj, simptomat e agranulocitozës mund të maskohen në pacientët që marrin terapi me antibiotikë.

* Nëse dyshohet për agranulocitozë, duhet të bëhet menjëherë një analizë e plotë e gjakut (përfshirë numrin e leukociteve) dhe terapia duhet të ndërpritet duke pritur rezultatet. Nëse konfirmohet agranulocitoza, terapia me metamizol nuk duhet të rifutet.

* Monitorimi rutinë i numërimit të gjakut në pacientët që marrin terapi me barna që përmbajnë metamizol nuk rekomandohet më.

* Përdorimi i metamizolit është kundërindikuar në pacientët me histori agranulocitoze të shkaktuar nga metamizoli (ose për shkak të përdorimit të pirazoloneve/pirazolidinave të tjera), në pacientët me funksion të dëmtuar të palcës kockore ose me sëmundje të sistemit hematopoietik.

A prishet cilësia e gjumit nëse pini kafe në mbrëmje?

Sponsoruar