Lajme

Haradinaj nderon të rënët britanikë që nga lufta e parë botërore

Autori: Gazeta inFokus 12:47 | 10 November 2024

Kryetari i AAK’së, Ramush Haradinaj, në sheshin “Edit Durham” në Prishtinë ka vendosur lule në Memorialin e Dëshmorëve të Mbretërisë së Bashkuar.

Haradinaj ka thënë se kur Britania e Madhe dhe Commonëealth-i kujtojnë të rënët që nga Lufta e Parë Botërore.

“Sot, në përkujtim të heronjve që kanë dhënë gjithçka për paqen dhe lirinë, u bashkuam me aleatët strategjikë në nderim të Aktit të Përkujtimit. Në këtë ditë, kur Britania e Madhe dhe Commonëealth-i kujtojnë të rënët që nga Lufta e Parë Botërore, shprehëm respektin tonë të thellë për sakrificën e luftëtarëve britanikë”, ka thënë Haradinaj.

-Advertisement-

Haradinaj ka shtuar se synimi është anëtarësimi direkt në NATO përmes Planit Aksional.

“Në sheshin “Edit Durham” në kryeqytet, vendosëm lule në Memorialin e Dëshmorëve të Mbretërisë së Bashkuar, duke nderuar kujtimin e tyre dhe duke forcuar lidhjen e miqësisë e të partneritetit të përhershëm që na bashkon. Kosova, e ndërtuar mbi themelet e sakrificës dhe flijimit, qëndron krah për krah me botën demokratike. Sot, në këtë rrugëtim të përbashkët, synimi ynë është anëtarësimi direkt në NATO përmes Planit Aksional, për t’i shërbyer paqes, sigurisë dhe stabilitetit në rajon e në botë”, ka thënë Haradinaj.

Subscribe në YouTube: GAZETA INFOKUSI