Lajme

Biden dhe Trump takohen në Zyrën Ovale të mërkurën, thotë Shtëpia e Bardhë

Autori: Gazeta inFokus 20:12 | 09 November 2024

Presidenti i ShBA-së, Joe Biden do të presë të mërkurën presidentin e rizgjedhur Donald Trump në Zyrën Ovale, njoftoi Shtëpia e Bardhë të shtunën.

Një takim i tillë është i zakonshëm midis presidentit që po largohet dhe presidentit të ardhshëm dhe ka për qëllim pjesërisht të shënojë fillimin e një transferimi paqësor të pushtetit, në demokracinë amerikane, shkruan Zëri i Amerikës, transmeton Klankosova.tv.

Republikani Trump nuk e priti demokratin Biden pas fitores së zgjedhjeve presidenciale të vitit 2020.

-Advertisement-

Ish-presidenti Trump kandidoi sërish në zgjedhjet e këtij viti dhe mundi nënpresidenten Kamala Harris. Ashtu si presidenti Grover Cleveland në fund të viteve 1800, presidenti Trump do të shërbejë dy mandate të shkëputura, si presidenti i 45 dhe 47 i Shteteve të Bashkuara.

Shtëpia e Bardhë njoftoi se Biden i telefonoi presidentit të zgjedhur Trump të mërkurën e kaluar për ta uruar dhe për ta ftuar të takohej në Zyrën Ovale.

Në një fjalim që mbajti të enjten, Biden tha se e kishte siguruar presidentin e zgjedhur Trump “se kam urdhëruar të gjithë administratën për të punuar me ekipin e tij për të siguruar një tranzicion paqësor dhe të rregullt. Kjo është ajo që meriton populli amerikan.”

Takimi i tyre është caktuar për në orën 11:00.

Subscribe në YouTube: GAZETA INFOKUSI
Rakinica e Skenderajt bëhet me rrjet të ri elektrik
-Advertisement-

Të tjera

Fokusi

lajme