Auto&Tech

Elon Musk prezanton robot-taksinë, planet e tij për “të ardhmen e shndritshme”

Autori: Gazeta inFokus 10:41 | 11 October 2024

CEO i Tesla, Elon Musk zbuloi të enjten vizionin e tij për një “një të ardhme argëtuese, emocionuese”, dhe një “epokë të bollëkut” plot me makina vetëdrejtuese të kompanisë së tij pa timon, parkingje të kthyera në parqe dhe robotë që do të ecin mes njerëzve.

Këto plane, dhe zbulimi i modeleve për robot-taksi erdhën në një event në Kaliforni dedikuar adhuruesve të automjeteve të tij elektrike. Nnë këtë event u paraqit modeli i robotit taksi si dhe një Robovan, një automjet pa shofer i projektuar për të transportuar një grup më të madh njerëzish ose sendesh.

Vetë Musk iu referua filmit klasik fantastiko-shkencor “Blade Runner”, megjithëse ai tha se donte që versioni i tij i viteve të ardhshme të ishte më i bukur se ai film “noir distopian”.

-Advertisement-

Tesla ka ofruar prej kohësh atë që e quan Full Self-Driving ose FSD, me çmim aktualisht 8,000 dollarë, si opsion në makinat e saj.

Por pavarësisht emrit të saj, Tesla thotë se shoferët duhet të vazhdojnë të ulen në sediljen e shoferit, të gatshëm për të marrë kontrollin e automjetit, edhe kur janë në modalitetin FSD.