Lajme

“Republika e Kosovës” – Vuçiq e merr si provokim pyetjen e gazetarit malazez që iu referua Kosovës si Republikë

Autori: Gazeta inFokus 17:59 | 08 October 2024

Presidenti serb, Aleksander Vuçiq, e ka marrë si provokim pyetjen e gazetarit malazez të “TV E” i cili iu referua Kosovës si Republikë.

Vuçiq sot në Tivat ka thënë se “Republika e Kosovës nuk ekziston as sipas të drejtës ndërkombëtare e as sipas Kartës së OKB-së e as sipas Rezolutës 1244”.

Kreu i shtetit serb ka thënë se nuk shqetësohet nga një pyetje e tillë që sipas Vuçiqit ‘është provokim”

-Advertisement-

“Imagjinoni ju se po ju flas për “Republikën e Gusinjes” apo “Republikën e Pljevljes”… As kjo nuk ekziston. Kosova është pjesë e Serbisë”, ka thënë Vuçiq si reagim ndaj gazetarit malazez.

Më 22 korrik 2010, Gjykata Ndërkombëtare e Drejtësisë kishte shpallur vendimin këshillëdhënës, sipas të cilit deklarata e shpalljes së pavarësisë së Kosovës nuk ka shkelur të drejtën ndërkombëtare.

Me 10 vota pro dhe katër kundër anëtarët e kësaj gjykate kishin vendosur në favor të Kosovës, duke refuzuar kështu kërkesën e Serbisë për shkelje të së drejtës ndërkombëtare.

Subscribe në YouTube: GAZETA INFOKUSI
MYZHDE për krejt!
-Advertisement-

Të tjera

Fokusi

lajme