Lajme

Kurti solidarizohet me Bosnjën pas përmbytjeve: Jemi gati t’ju ndihmojmë në çdo mënyrë

Autori: Gazeta inFokus 19:34 | 04 October 2024

Kryeministri i vendit, Albin Kurti, i ka shprehur ngushëllime familjeve të personave që vdiqën nga përmbytjet në Bosnje dhe Hercegovinë.

Kurti tha se Kosova qëndron me Bosnjë dhe Hercegovinën në këto kohë të vështira, teksa i shprehu gatishmërinë për ndihmë.

“Në emër të popullit të Kosovës, u shpreh ngushëllimet më të thella familjeve dhe komuniteteve të prekura nga përmbytjet në Bosnje dhe Hercegovinë. Ne jemi me ju në këto kohë të vështira dhe jemi të gatshëm t’ju ndihmojmë në çdo mënyrë që mundemi. Republika e Kosovës është me ju”, shkroi Kurti në “X”.

-Advertisement-

Deri më tani, si shkak i përmbytjeve të mëdha që kanë prekur Bosnje dhe Hercegovinën, 15 persona kanë vdekur, teksa dëmet materiale janë jashtëzakonisht të mëdha.

Subscribe në YouTube: GAZETA INFOKUSI