Dy vjet nga aplikimi, Kosova larg anëtarësimit në Bashkimin Evropian
Autori: Gazeta inFokus 17:16 | 30 September 2024
Qeveria e Kosovës thotë se po i bëhet padrejtësi vendit me zvarritjen e shqyrtimit të aplikimit për marrjen e statusit vend-kandidat për anëtarësim në Bashkimin Evropian.
Sipas ekzekutivit kosovar opinioni i BE-së ndaj këtij aplikimi dhe marrja e pyetësorit, janë hapa të domosdoshëm që duhet të merren nga unioni evropian.
Në qeveri shpresojnë që presidenca hungareze e Këshillit të BE-së të trajtojë me seriozitet të merituar kërkesën e Kosovës.
Klisman Kadiu, këshilltar i zëvendëskryeministrit për Integrim Evropian, Zhvillim dhe Dialog, Besnik Bislimi, thotë për KosovaPress se është e padrejtë që Kosovës të mos i jepet mundësia që të vlerësohet në baza meritokracie mbi nivelin e përgatitjes dhe gatishmërisë institucionale.
“Ne mendojmë se është e padrejtë që Kosovës të mos i jepet mundësia që të vlerësohet në baza meritokracie mbi nivelin e përgatitjes dhe gatishmërisë institucionale. Opinioni nga ana e BE-së dhe marrja e pyetësorit, janë hapa të domosdoshëm të cilat duhet të ndërmerren”.
“Kemi punuar ngushtë me presidencat e Këshillit të BE-së përgjatë kësaj periudhe, dhe shpresojmë që ajo aktuale hungareze ta trajtojë me seriozitetin e merituar kërkesën tonë për aplikim”.
Ai shton se aplikimi i Kosovës për marrjen e statusit-vend kandidat për anëtarësim në BE ishte si rezultat siç thotë ai i progresit të gjithmbarshëm dhe sinjal i fuqishëm i vullnetit, gatishmërisë dhe vendosmërisë për të bërë hapa përpara në procesin e integrimit evropian dhe rrugës drejt BE-së.
Kosova ka aplikuar për marrjen e statusit vend-kandidat për anëtarësim në BE më 15 dhjetor të vitit 2022.
Aplikimi deri tani nuk është shqyrtuar nga asnjë vend që ka pasur presidencën e Këshillit Evropian, ndërkaq deri më 31 dhjetor 2024, presidencën e Këshillit e ka Hungaria.
Mali i Zi dhe Serbia kanë bërë më shumë përparim në negociatat e anëtarësimit. Shqipëria dhe Maqedonia e Veriut i kanë hapur sivjet këto negociata, ndërsa Bosnje e Hercegovina ka marrë statusin e vendit kandidat.
Normalizimi i marrëdhënieve ndërshtetërore është kusht edhe për Kosovën, edhe për Serbinë që të përparojnë në rrugën e integrimit evropian.
Të tjera
-
“Policë e mësues pa rroga, Kryeministri në Amerikë”, Vlora Çitaku me kritika të ashpra ndaj Kurtit për vonesat e pagave
Nënkryetarja e Partisë Demokratike të Kosovës (PDK), Vlora Çitaku, ka kritiku...
-
Bajqinovci: Ka rrezik të përsëritet Banjska, rreth 800 ushtarë po presin vendimin të hyjnë në Kosovë
Deputeti i LVV-së, Mefail Bajqinovci është shprehur se ka rrezik të përsërite...
-
MPB për pagat: Duhet të ekzekutohen që institucionet të mos bllokohen
Pagat në sektorin publik nuk dolën në fund të muajit. Kjo pas skadimit të man...
-
Problemi me tender, punëtorët e Mensës së Studentëve angazhohen që të përgatisin shujtat për ushtarët e FSK-së
Shteti është detyruar të gjejë zgjidhje të përkohshme për përgatitjen e ushqi...
-
Kosova pritet t`i përfitojë rreth 880 milionë euro nga KE
Gjatë muajit tetor, Komisioni Evropin pritet t’i miratoj agjendat e reformve ...
-
“Në veri janë 70 policë serbë, është pesëfishuar dhe raportimi për raste kriminale”, thotë deputeti i pushtetit!
Deputeti i LVV-së, Mefail Bajqinovci është shprehur se është gënjeshtër se nu...
-
Kurti: Rusia dhe Serbia, vende që orientohen nga ideologjia e përbashkët
Kryeministri Albin Kurti para studentëve në Shtetet e Bashkuara të Amerikës k...
-
Austri: Shembet skela e pasiguruar, lëndohet rëndë kosovari 36 vjeçar
Skelat nisën të lëkunden dhe u shembën bashkë me punëtorin i cili ka pësuar l...
-
Biden kundërshton idenë për ofensivë tokësore nga Izraeli, kërkon armëpushim
Presidenti i SHBA-së, Joe Biden, kundërshtoi idenë e nisjes së një ofensive t...
-
Kurti në Amerikë: Historia jonë u njoh nga shtetet aleate si ShBA-ja, Britania, Gjermania, Franca e Italia
Kryeministri Albin Kurti para studentëve në Shtetet e Bashkaura të Amerikës, ...
-
Hoti: Ndryshimi i Ligjit për skemat pensionale është i domosdoshëm
Deputeti i kuvendit nga radhët e Lidhjes Demokratike të Kosovës (LDK), Avdull...
-
Raportohet se Rrahmani e Korenica do të zyrtarizojnë koalicionin me Pacollin
Raportohet se Eman Rrahmani e Visar Korenica deputetët të Lëvizjes Vetëvendos...