Lajme

Hapja e urës mbi Ibër, Durimishi thotë se sot pritet publikimi i raportit për stabilitetin e saj

Autori: Gazeta inFokus 07:40 | 13 August 2024

Zhvillimet e fundit lidhur me hapjen e urës mbi lumin Ibër, KFOR-i ka bërë thirrje për një dialog të mëtejshëm ndërmjet Kosovës dhe Serbisë, i ndërmjetësuar nga Bashkimi Evropian.

Sipas një deklarate të KFOR-it për Telegrafin, misioni paqeruajtës ka refuzuar të spekulojë për ndonjë skenar të mundshëm në rast të hapjes së urës për qarkullim të automjeteve, duke theksuar se çdo vendim duhet të merret në kuadër të dialogut politik.

KFOR-i ka nënvizuar angazhimin e tij për të ruajtur stabilitetin dhe sigurinë në rajon, duke mbajtur një prani të përhershme në urë dhe duke kryer patrullime të rregullta në zonat përreth.

-Advertisement-

Ndërkaq zëvendësministri i Infrastrukturës, Hysen Durmishi në një deklaratë për Kallxo, ka bërë të ditur se pritet që sot përmes një raporti të përpiluar nga kompania që ka bërë matjet dhe testimet e urës, të dihet nëse ura është mjaftueshëm stabile.

“Nesër del raporti. Na e dërgon kompania, e na (Ministria) e publikojmë”- tha Durmishi.

Sipas Durmishit, rezultatet e këtij raporti do të jenë kyçe për vendimin përfundimtar mbi rihapjen e urës.

Kjo situatë po ndiqet me vëmendje nga bashkësia ndërkombëtare, e cila ka shprehur rezerva për hapjen e urës në këtë fazë, duke kërkuar më shumë konsultime dhe një dialog të ri për të shmangur tensionet dhe për të garantuar një qasje të përbashkët në këtë çështje delikate.

Sot bëhen një javë prej kur nisën testimet në Urën e Ibrit, të cilën po mëtojnë ta hapin së shpejti autoritetet kosovare, anipse po kundërshtohet nga faktori ndërkombëtar.

Pas matjeve dhe testimeve me automjete të rënda, që ca ditë janë duke u ngjyrosur muret e Urës.

Subscribe në YouTube: GAZETA INFOKUSI
Etiketa:
Spektakli i Vitit, Ekskluzivisht në Artmotion – BBVK3!
-Advertisement-

Të tjera

Fokusi

lajme