Lajme

Istogu hap qendrën e qëndrimit ditor për të moshuarit

Autori: Gazeta inFokus 12:14 | 13 June 2024

Komuna e Istogut ka bërë hapjen e Qendrës së Qëndrimit Ditor për të moshuarit në zyrat e shoqatës së pensionistëve.

Këtë inaugurim të Qendrës e kanë bërë Drejtoresha për Mirëqenie Sociale në Komunën e Istogut, Merita Muzlijaj-Bytyqi, kryetari i shoqatës së pensionistëve në Istog, Muharrem Shatri dhe Projekt Menaxheri i Syri i Vizionit, Dukagjin Nishiqi.

Sipas drejtoreshës për Mirëqenie Sociale në Komunën e Istogut, Merita Muzlijaj-Bytyqi, ndërtimi i kësaj qendre nderon mundin dhe sakrificën e gjithë prindërve.

-Advertisement-

**Drejtoresha Merita Muzlijaj-Bytyqi, Dukagjin Nishiqi-Syri i Vizionit, kryetar i shoqatës për pensionist i Muharrem Shatri/ Foto: Komuna e Istogut, Facebook**

“Me inaugurimin e Qendrës së Qëndrimit Ditor për Moshën e Tretë, po e nderojmë gjithë mundin dhe sakrificën e të gjithë prindërve tanë ndër vite, prandaj uroj, që ta gëzoni”, është shprehur Muzlijaj-Bytyqi.

**Kuzhina që ofrohet për të moshuarit/ Foto nga komuna e Istogut, Facebook**

**Pensionistët e qytetit të Istogut/ Foto nga komuna e Istogut, Facebook**

**Këndi për atraksion për të moshuarit/ Foto nga komuna e Istogut, Facebook**

Kjo qendër është mundësuar në kuadër të programit “Ndërtimi i komuniteteve miqësore për të moshuarit nëpërmjet veprimit ndër breza në Kosovë – AGE+”, i cili financohet nga Agjensioni Austriak për Zhvillim. /Telegrafi/

Subscribe në YouTube: GAZETA INFOKUSI