Komuna e vogël në Filipine dyshon që kryetaren e kanë spiune kineze – ja pse
![](https://gazetainfokus.com/wp-content/uploads/2024/05/Screenshot_20240509-084336-600x360-1.jpg)
Autori: Gazeta inFokus
12:59 | 18 May 2024
Qyteti i Bambanit në periferi të Manilas në Filipine është trazuar meqë po dyshojnë që kryetarja e tyre është një spiune e Kinës. Bëhet fjalë për Alice Guo, një nëpunëse e re në zhvillim e sipër. 35 vjeçarja ka flokë të zeza e të gjata dhe flet gjuhën “Tagalog” pa theks të huaj, shkruan BBC.
Por pse kanë nisur dyshimet se Guo është një agjente kineze. Bëhet fjalë për një vend kazinoje e interneti është autoritetet e Filipineve kanë zbuluar në qytetin e saj. Ky vend, ishte zbuluar që ishte një qendër e mashtrimit dhe e kishin bastisur atë objekt në marsin e kaluar, ku kishin shpëtuar rreth 700 punëtorë, përfshirë 202 shtetas kinezë dhe 73 të huaj që detyroheshin të paraqiteshin si “dashurues” online.
Siç shkruan BBC këto biznese kishin lulëzuar gjatë mandatit të Rodrigo Duertes, i cili përfundoi mandatin e tij presidencial në vitin 2022, kohë kjo që është karakterizuar për raporte të ngushta me Kinën.
Por tashmë nën presidentin e ri, Ferdinand Marcos, Pogos, vendi ku është zbuluar kjo kazino është nën vazhgim të vazhdueshëm, meqë u zbuluar se ka pasur edhe trafikim të qenie njerëzore dhe operacione të mashtrimit në internet.
Rasti i kryebashkiakes Guo po bën bujë, ndërkohë që raportet në mes të Filipineve dhe Kinës mbi një kontest detar po tensionohen. Guo raportohet se ka një pasuri të madhe, ndërkohë që askush s’e di prejardhjen e saj.
Presidenti Marcos këtë të enjte ka folur rreth saj duke thënë se të gjithë po e pyesin veten se nga erdhi dhe se prandaj janë duke e hetuar.
“Askush nuk e njeh atë. Ne pyesim veten se nga erdhi, prandaj ne po e hetojmë këtë, së bashku me Byronë e Emigracionit, për shkak të pyetjeve në lidhje me shtetësinë e saj”, ka thënë Marcos.
Dihet pak për prejardhjen e saj, e cila është e pazakontë në Filipinet rurale, ku zyrtarët lokalë janë shpesh të lidhur me dinastitë politike. Ajo është vetëm në mandatin e saj të parë si zyrtare e zgjedhur.
Komisioni për Zgjedhjet tha se ajo u regjistrua për të votuar në Bamban në vitin 2021, ose një vit para se të kandidonte dhe të fitonte si kryetare bashkie.
Emri i saj i familjes, Guo, gjithashtu nuk është ndër emrat e zakonshëm të familjeve të filipinasve me prejardhje kineze. Megjithëse të kolonizuara nga Spanja, Filipinet dhe Kina kanë lidhje të thella kulturore për shkak të tregtisë shekullore.
Kur është marrë në pyetje nga senatorët, Guo pranoi se certifikata e saj e lindjes u regjistrua në autoritetet lokale vetëm kur ajo mbushi 17 vjeç. Ajo tha se kjo ishte për shkak se ajo kishte lindur në një shtëpi, jo në një spital apo klinikë. Ajo nuk mundi të jepte më shumë detaje.
Ajo tha se ishte e shkolluar në shtëpi ekskluzivisht brenda kompleksit të familjes ku ata gjithashtu rritnin derra. Megjithatë, ajo nuk mund të mbante mend emrin e organizatës së shkollës së saj në shtëpi dhe përmendi vetëm një nga mësuesit e saj.
Ajo tha se babai i saj është filipinas, por në të dhënat e biznesit, babai i saj ishte identifikuar si një shtetas kinez.
“Shumë po pyesin, kush është Alice Guo?” tha ajo në një fjalim të fushatës së vitit 2022, sipas transmetuesit GMA News në Manila.
“Unë jam Alice Guo nga Bambani. Nëna ime është filipinase, babai im është kinez,” kishte thënë ajo në gjuhën tagaloge.
Presidenti Marcos ka thënë se hetimi për kryebashkiaken Guo synon të parandalojë shtetasit e huaj që të mbajnë poste publike në vend.
Komisioni për Zgjedhjet dhe Avokati i Përgjithshëm po hetojnë rastin e Guo për të parë nëse ajo kishte mbajtur poste publike në mënyrë të paligjshme. Nëse vërtetohet, ajo mund të hiqet nga posti i saj./Express
![](https://gazetainfokus.com/wp-content/uploads/2023/11/FotoLajm.jpg)
Të tjera
-
‘Eskavatori’ lë pa ujë disa fshatra në Vushtrri, dëmtuan një gyp gjatë punimeve në autostradë
Kompania e kontraktuar për shtrimin e autostradës Prishtinë-Mitrovicë për...
-
Fundjavë me fluks në Morinë, kosovarët për pushime në Shqipëri edhe në shtator
Edhe mëngjesi i kësaj të shtune ka nisur me fluks qytetarësh e mjetesh nga Ko...
-
Analistët: Veprimet e fundit të Serbisë në raport me Kosovën, përpjekje për destabilizim të Ballkanit
Veprimet e vazhdueshme të Serbisë në raport me Kosovën, sikurse edhe akti i f...
-
Djali i Adem Jasharit, Luli shtrihet në Kardiologji, Lladrovci: S’besoj që ta lë shenjë ty kjo
Kryetari i komunës së Drenasit, Ramiz Lladrovci, ka bërë të ditur se Lulzim J...
-
Vogëlushi i afrohet Kurtit për selfie, pasi e kryen ia vë gishtin në gjoks: Kryeministër ishte kënaqësi, çele Urën e Ibrit
Në ceremoninë e vendosjes së shtatores së presidentit historik, Ibrahim R...
-
Tre të vdẹkur sot në plazhet e Shqipërisë, dy prej tyre kosovarë
Rreth orës 14;50, në lagjen 13 në Durrës, 67-vjeçarja me iniciale A. Gj., ban...
-
Osmani: Strukturat ilegale në veri mbajnë peng integrimin e komunitetit serb
Presidentja e Kosovës, Vjosa Osmani ka pritur në takim të Ngarkuarën me Punë ...
-
Bulliqi i kundërpërgjigjet Hysenit të LDK-së: Je një mjeran politik
Kryetari i Komunës së Podujevës, Shpejtim Bulliqi, i është kundërpërgjigjur a...
-
Qendra për menaxhim kufitar del me njoftim pas hapjes së pikave kufitare
Qendra për menaxhim kombëtar ka njoftuar se janë hapur për qarkullim pikat ku...
-
Selmanaj i drejtohet Osmanit e Gërvallës: Ju guxuat të shanit LDK’në, por nuk guxuat të bëni zë kur Kurti ua shuajti partinë
Pas pranisë së kryeministrit Albin Kurti në inagurimin e shtatores së ish...
-
Sveçla: Serbia në panik, “shkolla ruse” për destabilizim të Kosovës e rajonit po dështon
Ministri i Punëve të Brendshme, Xhelal Sveçla, ka thënë se Serbisë është ...
-
Tahiri pas inaugurimit të shtatores së Ibrahim Rugovës: Lideri që nuk u lëkund, duke mbetur i përkushtuar ndaj një Kosove të lirë
Deputeti i AAK’së, Besnik Tahiri në rastin e ceremonisë së vendosjes së s...