Auto&Tech

Zuckerberg pritet të shkurtojë stafin e Facebook dhe Instagram

Autori: Gazeta inFokus 13:59 | 30 April 2024

Bordi mbikëqyrës i Metës po përgatitet të shkurtojë disa pozicione. Javën e kaluar, “Gjykata e Lartë” e Metës u tha punonjësve se vendet e tyre të punës ishin në rrezik, sipas mediave.

Shkurtimet pritet të prekin stafin si akademikët dhe avokatët, si dhe ata që marrin vendime për moderimin e përmbajtjes në Facebook, Instagram dhe Threads.

Bordi mbikëqyrës, i cili funksionon në mënyrë të pavarur nga Meta, u shpall për herë të parë nga Mark Zuckerberg në fund të 2018 dhe filloi të funksionojë në tetor 2020. Fillimisht u financua nga Meta me një grant prej 130 milionë dollarësh dhe 120 milionë dollarë shtesë në vitin 2022.

-Advertisement-

Kryetari i Bordit Mbikëqyrës, Stephen Neal, konfirmoi se ai po bënte shkurtimett. Ai tha se kjo lëvizje do t’i lejojnë bordit “të optimizojë më tej operacionet duke i dhënë përparësi aspekteve më me ndikim të punës që japin rezultate për miliona njerëz që përdorin platformat Meta në mbarë botën”.

Meta mbetet i përkushtuar për suksesin e bordit dhe bordi ka besim se kompania do të vazhdojë të ofrojë fonde shtesë në të ardhmen.

Meta tha se vlerëson perspektivën e bordit dhe planifikon të vazhdojë përditësimin e politikave dhe praktikave në përgjigje të komenteve të tyre.