Lajme

Ambasadori britanik e falënderon Jasharin për stërvitjen e trupave ukrainase nga FSK-ja

Autori: Gazeta inFokus 13:05 | 02 Prill 2024

Komandanti i FSK-së, Gjenerallejtënant Bashkim Jashari, është takuar me ambasadorin britanik në Kosovë, Jonathan Gargreaves.

Jashari e Hargreaves folën për të arriturat e FSK-së në rrugën drejt zhvillimit të kapaciteteve për përmbushje të misionit.

“Tutje, Gjeneral Jashari falënderoi ambasadorin për bashkëpunimin e deritanishëm dhe rolin kyç që ka luajtur Mbretëria e Bashkuar në profesionalizmin e FSK-së”.

-Advertisement-

“Një pjesë e diskutimeve u fokusua në situatën e sigurisë në vend, rajon dhe më gjerë si dhe ndikimin e saj në aspektin global të sigurisë. Ndërsa, ambasadori Hargreaves falënderoi GLT Jasharin për kontributin e FSK-së në stërvitjen e trupave ukrainase përmes operacionit Interflex në Britani të Madhe”, thuhet në njoftim.