Lajme

Konfiskohen afro 2 mijë euro të falsifikuara – përfshirë monedha 5 dhe 100 euro

Autori: Gazeta inFokus 08:46 | 08 February 2024

Kosova tash e disa muaj është përballur me një rritje alarmante të dukurisë së parave të falsifikuara, duke shkaktuar shqetësime të mëdha për autoritetet vendore dhe për sistemin financiar në përgjithësi.

Paratë e falsifikuara kanë shkaktuar pasoja të mëdha për ekonominë, sigurinë publike dhe integritetin e sistemit financiar në Kosovë.

Vetëm në 24 orët e fundit, policia ka konfiskuar 1 mijë e 731 euro që dyshohet se janë të falsifikuara.

-Advertisement-

Rasti i parë ka ndodhur në rrugën “Agim Ramadani” në Prishtinë. Ankuesja femër kosovare, menaxhere e bankës ka njoftuar se në bankomatin e tyre janë deponuar 870 € që dyshohet të jenë të falsifikuara.

Ndërkaq një rast tjetër ka ndodhur në Fushë Kosovë, ku ankuesja femër kosovare, punëtore e bankës ka njoftuar se në bankomatin e tyre janë deponuar monedha metalike me vlerë rreth 451 € si dhe 2X5 € të letrës të cilat dyshohet se janë të falsifikuara.

Tjetër rast ka ndodhur në rrugën “Adem Jashari” në Gjilan, ku ankuesi mashkull kosovar, punëtor i bankës ka njoftuar se në bankomatin e tyre janë deponuar 4 kartëmonedha me vlerë 100 € që dyshohet të jenë te falsifikuara.

Parat në të tri rastet janë konfiskuar dhe rastet po hetohen.

Kujtojmë se Banka Qendrore e Kosovës muaj më parë ka njoftuar se është duke u koordinuar në aspektin ndër-institucional me organet përgjegjëse për t’i mbështetur në veprimet e tyre për kufizimin dhe parandalimin e këtij aktiviteti kundër ligjor, duke ofruar të gjithë bashkëpunimin e nevojshëm dhe mbështetjen profesionale dhe teknike.

Tutje thuhet se monedhat e vërteta janë të dallueshme nga ato të falsifikuara dhe se ka disa mundësi që të identifikohen.

Sipas BQK-së, monedhat e falsifikuara përgjithësisht kanë veti të ndryshme magnetike nga ato të vërteta, si dhe në pamje kanë një kualitet të dobët të detajeve, zakonisht ngjyrë të ndryshme të rrethit dhe sipërfaqes brenda rrethit dhe mungesë të shkronjave në skaje.

Subscribe në YouTube: GAZETA INFOKUSI
Etiketa:
EURO 2024 dhe Serie A, dy ekskluzivitetet absolute të Artmotion këtë vit
-Advertisement-

Të tjera

Fokusi

lajme