Lajme

Prokuroria Speciale e fton serbin e akuzuar për krime lufte që të paraqitet në gjykatë

Autori: Gazeta inFokus 13:48 | 12 December 2023

Prokuroria Speciale e ka ftuar të akuzuarin Dejan Raciq, ish pjesëtar i forcave rezervë ushtarake të Serbisë marrë pjesë në seancën fillestare më 20 shkurt të vitit 2024 pasi dyshohet se ka kryer veprën penale “krime lufte kundër popullsisë civile”.

Në njoftimin e prokurorisë i bëhet thirrje Raciqit që të dorëzohet dhe të paraqitet sa më pranë Gjykatën Themelore në Prishtinë, që kjo çështje, sipas tyre, të zhvillohet me prezencën e tij.

“Ftohet i akuzuari Dejan Raciq, nga i ati Janko, i lindur në fshatin Videj, Komuna Klinë, me vendbanim të panjohur, me nacionalitet serb, ish pjesëtarë i forcave rezervë ushtarake të Serbisë, me numër personal 0101974932041 i Punëve të Brendshme në Klinë, të marrë pjesë në seancë fillestare të caktuar më datë 20.02.2024, e martë, në ora 9:30, pranë Gjykatës Themelore në Prishtinë –Departamenti Special, për çështje penale të proceduar sipas aktakuzës së prokurorisë Speciale të Republikës së Kosovës, PPS.nr.17.2018 të datës 27.11.2023, për shkak se i njëjti dyshohet të ketë kryer veprën penale Krime Lufte kundër popullsisë civile nga neni 142 të Kodit penal të Jugosllavisë, aktualisht i inkriminuar si Krimet kundër njerëzimit nga neni 143 paragrafi, 1 nënparagrafi 1.7 të Kodit Penal të Republikës së Kosovës”.

-Advertisement-

“Konform nenit 303 paragrafi 8 të KPPRK-së, gjykata i bënë thirrje çdo personi që ka informacion relevant për vendndodhjen e të akuzuarit Dejan Raciq, që t’ia komunikojë atë informacion policisë së Kosovës, me qëllim të sigurimit të prezencës së akuzuarit Dejan Raciq, në këtë çështje juridiko penale”, thuhet në njoftimin e prokurorisë.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy