Lajme

Aliu publikon foto me ish-sekretarin Kerry dhe Osmanin: Dëgjuam fjalimin inspirues për veprimet ndaj ndryshimeve klimatike

Autori: Gazeta inFokus 19:32 | 02 December 2023

Ministri i Infrastrukturës, Liburn Aliu, ka publikuar të shtunën një fotografi së bashku me presidenten e Kosovës, Vjosa Osmanin dhe me ish-sekretarin e Shteteve të Bashkuara të Amerikës, John Kerry.

Aliu ka bërë të ditur se bashkë me Osmanin dhe ish-sekretarin Kerry, e kanë dëgjuar fjalimin e zëvendëspresidentes amerikane, Kamala Harris.

“Së bashku me Presidenten Osmani, e me mikun tonë ish-sekretarin, John Kerry, dëgjuam fjalimin përmbyllës e inspirues për veprimet ndaj ndryshimeve klimatike, nga ZëvendësPresidentja e ShBA-ve, Kamala Harris”, ka shkruar ai në Facebook.

-Advertisement-

Më tej, Aliu ka thënë se Kosova i është bashkangjitur komunitetit ndërkombëtar në dedikimin për trefishimin e energjisë së rinovueshme.

“Përfundimi i ‘World Climate Action Summit’, ku edhe Kosova i është bashkangjitur komunitetit ndërkombëtar në dedikimin për trefishimin e energjisë së rinovueshme dhe dyfishimin e efiçiencës së energjisë deri më 2030”, ka përfunduar ministri.

Subscribe në YouTube: GAZETA INFOKUSI