Lajme

Rama bën thirrje që prishtinasit të marrin pjesë në regjistrimin e popullsisë: Tejet i rëndësishëm për kryeqytetin

Autori: Gazeta inFokus 10:29 | 25 November 2023

Kryetari i Prishtinës, Përparim Rama, ka thënë se regjistrimi i popullsisë që pritet të nisë në prill të vitit tjetër është tejet i rëndësishëm për kryeqytetin.

Kjo, pasi sipas Ramës, nëse Prishtina si institucion e po ashtu edhe Qeveria e Kosovës kanë një regjistër të saktë të popullsisë, mund të ndajnë burimet dhe shërbimet në mënyrë të drejtë dhe efikase, sipas nevojave të popullsisë.

“Kjo përfshinë ndarjen e fondeve, infrastrukturës, shërbimeve shëndetësore, arsimit, dhe shërbimeve të tjera publike”.

-Advertisement-

“Bizneset në nivelin komunal mund t’i përdorin të dhënat për investimet ekonomike dhe zhvillimin ekonomik, duke rezultuar në më shumë vende të punës dhe rigjenerimin e të ardhurave”, tha Rama përmes një videomesazhi.

Ai iu bëri thirrje të gjithë qytetarëve të Prishtinës që të marrin pjesë në regjistrimin e popullsisë, duke theksuar se kjo është shumë e rëndësishme.

Kujtojmë se Qeveria e Kosovës më 23 gusht të këtij viti kishte vendosur që ta shtynte regjistrimin e popullsisë më 1 nëntor.

Por, i njëjti me vendim të ri të qeverisë është shtyrë sërish dhe i njëjti pritet të nisë në prill të vitit të ardhshëm.

Subscribe në YouTube: GAZETA INFOKUSI